Бугун, 12 сентябрь куни Хива шаҳрида бошланган Марказий Осиё давлатларининг иккинчи парламентлараро форумида сенат раиси Танзила Норбоева Ўзбекистон парламентининг таклифларини айтиб ўтди.
Мамлакатларимиз қонунчиликларини уйғунлаштириш бўйича фаолиятимизни мувофиқлаштиришимиз керак. Давлатларимиз ўртасида кўплаб соҳаларда ўзаро келишувларга эришилаётган бир вақтда қонунларимиз бир-бирига зид бўлмаслиги лозим.
Бунда парламентлараро гуруҳлар ва комиссияларинг ўзаро ҳамкорлиги ҳал қилувчи аҳамиятга эга. Давлат раҳбари ташаббуси билан Марказий Осиё давлатлари парламентларининг мулоқот майдони ташкил этилди, бу эса бизнинг ҳамкорлигимизда янги саҳифа очилганидан ёрқин далолатдир, деди сенат раиси.
Нарбоева хоним парламентлараро ҳамкорликда аёллар ролига тўхталар экан, Марказий Осиё етакчи хотин-қизларининг доимий фаолият кўрсатадиган платформаси гендер тенглиги масалаларини очиқ ва конструктив муҳокама қилиш учун муҳим механизмга айланганини алоҳида таъкидлаб ўтди.
Минтақамизда аёллар фаоллигини ошириш, уларнинг минтақа ривожланишида иштирокини кенгайтириш жараёнлари ушбу формат билан ҳамкорликда ташкил қилиниши мақсадга мувофиқ.
Минтақанинг долзарб ижтимоий-иқтисодий масалаларни ҳал этишда ёшлар иштирокини кенгайтириш, уларнинг ғоя ва ташаббусларини қўллаб-қувватлаш ва амалга ошириш бугунги даврнинг талаби, деди Танзила Норбоева.
Марказий Осиё давлатларининг иккинчи парламентлараро форуми якунида Хива декларациясини қабул қилинади.
Изоҳ (0)