Туркияда 2016 йил давлат тўнтаришига уринишда айбланган Фатҳуллоҳ Гулен АҚШда вафот этди. Бу ҳақда Hurriyet газетаси хабар берди.
Туркияда террорчи деб тан олинган FETO ташкилоти раҳбари Гулен 83 ёшда бўлган. Туркия ҳукумати ташкилотни 2016 йил июль ойида давлат тўнтаришига уринишда иштирок этганликда айблаганди. Бир неча йил давомида унинг тарафдорлари оммавий равишда ҳибсга олинган. Туркия 83 та давлатдан уларни беришни талаб қилган.
1999 йилдан бери АҚШда яшаб келаётган Гулен давлат тўнтаришига алоқадорлигини инкор этган. 2018 йилда Туркия ҳукумати 2016 йил Россия элчиси Андрей Карловнинг ўлдирилиши иши бўйича FETO ҳаракатининг саккиз нафар аъзосини, шу жумладан Гуленни ҳибсга олиш учун ордер берганди.
Туркия Адлия вазирлиги Гуленнинг экстрадициясини етти маротаба расман сўраган, бу 27 хил айбловлар билан боғлиқ. Хусусан, унга конституциявий тузумни бекор қилишга уриниш, қуролланган террорчилик ташкилотини яратиш ва унга раҳбарлик қилиш, Туркия ҳукуматини ағдаришга уриниш ва унинг вазифаларини бажаришига тўсқинлик қилиш каби айбловлар шулар қаторига киради. Гулен “биринчи рақамли айбланувчи” сифатида 45 та иш бўйича судланган, деб хабар бермоқда Haberturk.
Гулен асосчи бўлган “Ҳизмет” ҳаракати хайрия ташкилотлари, медиа компаниялари, таълим муассасалари ва бошқа ташкилотларни ўз ичига олади.
Изоҳ (0)