Туркия президенти Ражаб Тоййиб Эрдўғон Истанбулнинг марказида 13 ноябрь куни юз берган кучли портлашга муносабат билдирди. Бу ҳақда Al Jazeera хабар берди.
«Ушбу терактда аёл киши иштирок этгани ҳақида маълумотлар бор. Кузатув камералари ёзувларини ўрганиш давом этмоқда», — дейди Туркия президенти.
Таъкидланишича, тўрт киши воқеа жойида, икки нафари эса шифохонада ҳалок бўлди. Истанбул губернатори Али Ерликая портлаш маҳаллий вақт билан соат 16:20 (Тошкент вақти билан 18:20) да содир бўлганини айтди.
Россия бош консуллиги биноси ҳам портлаш юз берган кўчада жойлашган. Ҳодисага худкуш террорчи ўзини портлатиб юбориши сабаб бўлгани айтилмоқда. Мамлакатда ижтимоий тармоқларга кириш чекланди, журналистларга ҳодисани ёритиш эса тақиқланди. Ҳозирда ҳалок бўлган ва яраланганларнинг шахсига аниқлик киритилмоқда. Дастлаб 11 киши жароҳатлангани ва 4 киши ҳалок бўлгани эълон қилинганди.
Изоҳ (0)