Туркия Яқин Шарқдаги урушга тортилиши мумкин. Бу ҳақда Туркия президенти Ражаб Тоййиб Эрдўғон Буюк миллий мажлисидаги нутқида маълум қилди.
Унинг сўзларига кўра, Яқин Шарқда можаронинг янада кучайишига йўл қўймаслик зарур.
Эрдўғон, Ливандан кейин Исроилнинг навбатдаги нишони Туркия бўлиши мумкинлигини айтди.
Шунингдек, Туркия раҳбари Исроилнинг Ливанга ҳужумлари даҳшатли оқибатларга олиб келиши мумкинлигини ҳам қўшимча қилди.
“Мен бу ҳақда бутун дунёни огоҳлантираман”, деди Эрдўғон.
Аввалроқ Туркия президенти БМТ бош ассамблеясида Исроил бош вазири Биньямин Нетаньяхуни танқид қилиб, уни Адолф Гитлерга қиёслаганди.
Халқаро ҳамжамият фаластинлик тинч аҳолини Исроил ҳаракатларидан ҳимоя қилиш механизмини ишлаб чиқиши керак. Гитлер 70 йил аввал инсоният иттифоқи томонидан тўхтатилганидек, Нетаньяху ва унинг қотил тармоғи ҳам “инсоният иттифоқи” билан тўхтатилиши керак, деди у.
Изоҳ (0)