Ливаннинг “Ҳизбуллоҳ” гуруҳи Исроил бош вазири Биньямин Нетаньяхунинг Кесариядаги шахсий қароргоҳига дрон билан ҳужум уюштирди.
“Ҳужум пайтида Нетаньяху ва унинг рафиқаси Сара қароргоҳ ташқарисида бўлган. Ҳеч ким жароҳат олмаган”, дея хабар беради The Times of Israel бош вазир идораси хабарига таяниб.
Аввалроқ Исроил мудофаа кучлари матбуот хизмати Ливандан Исроилга учирилган учта дрон ҳақида хабар берганди. Дронлардан иккитаси Тель-Авив ҳудудида уриб туширилган, бири бино устига қулаган.
Кеча, 18 октябрь куни “Ҳизбуллоҳ” Исроилга қарши урушнинг янги босқичи бошланганини эълон қилганди.
“Исроил билан қарама-қаршиликнинг янги ва кескинлашувчи босқичига ўтилишини эълон қиламиз. Бу яқин кунларда воқеалар ривожига таъсир кўрсатади”, деб ваъда берганди “Ҳизбуллоҳ”.
Изоҳ (0)