Исроил армияси ҲАМАС ҳаракати етакчиси Яҳё Синварнинг Ғазо секторида ўлдирилганини эълон қилди.
“Исроилнинг Ғазо секторидаги операциялари чоғида ҲАМАСнинг 3 нафар вакили йўқ қилинган. Улардан бири Яҳё Синвар бўлиши мумкин. Ҳозирда ўлдирилганларнинг шахсини тасдиқлаб бўлмайди”, дейилади армия матбуот хизмати хабарида.
Ушбу баёнотга кўра, “зарба берилган бинода гаровга олинганлар йўқ эди”. Аввалроқ Синвар Ғазонинг ерости туннелларида яшириниб, ўзини исроиллик гаровга олинганлар билан ўраб олгани айтилганди.
Исроилнинг Кан давлат телерадиокомпанияси хабар беришича, ўлдирилганларнинг ДНК намуналари ўрганилганда ҲАМАС етакчиси Яҳё Синварнинг Ғазо секторида ҳалок бўлгани факти тасдиқланган.
Яҳё Синвар Ғазо секторида туғилган ва ҲАМАСнинг жангчилари қаноти асосчиларидан бири. У 22 йилдан ортиқ вақтини Исроил қамоқхоналарида ўтказган ва 2011 йилда фаластинлик асирларни гаровга олинган исроиллик аскарларга алмашиш бўйича келишув доирасида озод этилганди.
2017 йилда Синвар Ғазо секторидаги ҲАМАС етакчисига айланди. Жорий йилнинг 31 июль куни Теҳронда ўлдирилган Исмоил Ҳания ўрнига (август ойи бошида) бутун ташкилотга раҳбар этиб тайинланди.
Изоҳ (0)