Исроил мудофаа кучлари Ливандан мамлакат ҳудудига “Ҳизбуллоҳ” ҳаракати томонидан учта ракета ва иккита дрон учирилганини қайд этди. Бу ҳақда армия матбуот хизмати хабар берди.
“Ливан ҳудудидан Исроилга учган учта ракета одамлар яшамайдиган ҳудудга қулагани қайд этилди. Бундан ташқари, “Ҳизбуллоҳ”нинг иккита дрони Ливандан Исроилга учиб, мамлакат шимолидаги Ҳанита ҳудудида портлаган”, — дейилади хабарда.
“Жавоб сифатида Исроил армияси Ливан жанубига артиллерия зарбалари берди”, — дея қўшимча қилди армия матбуот хизмати.
Аввалроқ Эрон яқин 48 соат ичида Исроилга ҳужум қилиши мумкинлиги хабар қилинганди. Бунга сабаб сифатида Исроилнинг 1 апрель куни Эроннинг Дамашқдаги консуллигига уюштирган ҳужуми келтирилган.
Изоҳ (0)