Исроил Ливан жанубида “Ҳизбуллоҳ” жангчилари бўлган машинага дрон билан ҳужум қилди, оқибатда икки киши ҳалок бўлди. Бу ҳақда Reuters хабар берди.
Уларнинг иккаласи ҳам “Ҳизбуллоҳ”нинг юқори мартабали қўмондони Фади Сулаймонннинг қўриқчилари бўлган. Улар Сулаймоннинг шахсий хавфсизлиги ва ҳаракати учун жавобгар бўлган. Sky Неwс телеканалининг хабар беришича, “мақсадли йўқ қилиш” нишонига айланган қўмондоннинг ўзи тирик қолган.
Ливан манбалари автомобиль портлаши оқибатида беш киши жароҳатлангани — икки киши ҳалок бўлгани, уч киши яраланганини айтмоқда. Ливан жанубидаги вазият Исроил 2023 йил октябрь ойида Ғазо секторида ҳарбий амалиётлар бошлаганидан кейин ёмонлашди. Исроил армияси ва “Ҳизбуллоҳ” чегарадаги ҳудудларда бир-бирининг позицияларига ҳар куни ўт очади.
Оқибатда ҳозиргача жами 140 га яқин “Ҳизбуллоҳ” жангчиси ва камида 25 ливанлик тинч аҳоли ҳалок бўлди. Шунингдек, камида тўққиз нафар Исроил аскари ва бир фуқаро ҳалок бўлди. Сўнгги ҳафталарда томонлар ўртасидаги интенсивлик ўсиб бормоқда.
Изоҳ (0)