Йилига 250 тонна узум экспорт қилади, ёзда кунига 5 минг дона сув сотади, қоғозни қайта ишлайди: заркентлик Гавҳар Ризаева билан суҳбат

Тошкент вилоятининг Паркент туманидаги Заркент қишлоғида яшовчи Гавҳар Ризаева Ўзбекистонда тадбиркорликка яратилган эътибор сабаб бугун узум экспорт қилувчи, ёз мавсумида 5, 10 ва 25 литрлик идишларда тоза филтрланган сув ишлаб чиқариб, истеъмолчиларга етказадиган ишбилармон аёлга айланди. “Дарё” журналисти тадбиркор ва фермер аёл билан суҳбатлашди.

2006 йилдан бери 25 гектар майдонда узум етиштириш билан шуғулланиб келамиз. Паркент узумчилигининг асосчиси отам — Ўзбекистон қаҳрамони Тоживой Ризаев бўлади. Ризамат ота узуми АҚШда кашф қилинган бўлса-да, унинг лалми ерга экилиши ва ҳосилга киришида отамнинг хизмати беқиёс. Ўшандан бери бу ишнинг давомчиси сифатида бугунги кунда кичик ўғлим билан узум етиштириб, нафақат маҳаллий бозорга, балки жаҳон бозорига ҳам олиб чиқяпмиз, дейди суҳбатдош.

Фермер аёлнинг айтишича, унинг 25 гектар майдонида бир неча турдаги узумлар етиштирилади. 30 та хонадон вакиллари шу ерда меҳнат қилиб, даромад топади.

Ток кўчатлари тўрт йил парвариш қилиниб, бешинчи йилдан ҳосилга киради. Лалми ерлар фақат куз ва қиш ойидаги табиий ёмғир ва қордан сув ичади. Бир туп кўчатдан 40-45 бош узум олинади. Килога ҳисоблаганда ўртача 20-25 кг кишмиш узум олинса, бир гектар майдондан энг камида 15-20 тонна ҳосил оламиз, дейди Гавҳар Ризаева.

Тадбиркор аёлнинг маълумот беришича, Паркент кишмиш узумидан майиз, шунингдек, вино ҳам тайёрланади.

Uzumнинг турган-битгани фойда. Ундан майиз, вино, мусаллас тайёрланади. Шунингдек, узум пояси Паркент кўк сомсасини ёпишда ҳам айни муддао ҳисобланади, дейди у.

Суҳбатдошнинг айтишича, у йилига 200-250 тонна узум экспорт қилади.

Uzumларимиз асосан Россиянинг барча ҳудудларига, шунингдек, Қозоғистон ва Қирғизистон бозорларига чиқарилмоқда. Музлаткичимизда 300 тоннагача узум сақлаймиз ва йилига 200-250 тоннагача узумни хориж бозорларида сотамиз, дейди фермер аёл.

Гавҳар Ризаеванинг айтишича, у 150 метр чуқурликдан сув қазиб чиқарган бўлиб, ёз мавсумида 5,10 ва 25 литрлик идишларда беш минг донагача сотади.

Аёлмиз деб тинч ўтиролмайман. 150 метр чуқурликдан сув чиқариб, уни уч босқичда филтрлаб, ёз ойларида 5, 10 ва 25 литрлик идишларда қадоқлаб, кунига беш минг донагача сув идишларини истеъмолчиларга етказамиз, дейди суҳбатдош.

Заркентда, шунингдек, ҳар бир хонадон узум етиштириш билан шуғулланиб, даромад қилади. Шу қишлоқда яшовчи Сайфулла аканинг айтишича, у ва оила аъзолари йилига узум етиштириш ва сотиш эвазига 100 миллион сўмга яқин соф даромад олади.

Йилига 250 тонна узум экспорт қилади, ёзда кунига 5 минг дона сув сотади, қоғозни қайта ишлайди: заркентлик Гавҳар Ризаева билан суҳбат

Мавзуга доир

Изоҳ (0)

Daryo.uz | Сизнинг муаммоингиз ечими