Тошкент вилояти ҳокими Зоир Мирзаевнинг фуқаролар учун ташкил этилган навбатдаги сайёр қабулида бўлган 35 ёшли Ҳилола Ботирова иккинчи гуруҳ ногиронлиги бўлишига қарамасдан, ўзини соғлом одамлардан кам ҳисобламаслигини, тадбиркорлигини давом эттираётганига 7 йил бўлганини айтиб, “бунинг учун сизга раҳмат айтгани келдим”, деди. Бу ҳақда вилоят ҳокимининг Ўрта Чирчиқ туманида ташкил этилган сайёр қабулида сўз борди.
Тошкент вилоятидаги туманларнинг бирида истиқомат қилувчи 35 ёшли Ҳилола Ботирова иккинчи гуруҳ ногирони бўлишига қарамасдан, бундан 7 йил аввал тадбиркорлик қилишни бошлаган.
Иш фаолиятимни бошлаганимга етти йил бўлди, ҳоким бува, барча кредитларимни ўз вақтида тўлаяпман. Банклар ҳам, ҳамма мени ҳурмат қилади. Яқинда яна кредит олиб, контейнер дўкон қилиб, савдо яхши бўлсин деб, катта йўл ёқасида ҳам савдо қиляпмиз. Энди новвойхона ҳам очмоқчиман, — деди ҳоким қабулида бўлган қиз.
Зоир Мирзаев Ҳилола Ботирова банкдан олган кредитларини ўз вақтида тўлаб келаётганини билишини маълум қилди.
.jpg)
Сизнинг қабулингизга келганларнинг барчаси муаммолари билан келади. Менда эса муаммо йўқ, мен билан фахрлансангиз бўлади, — деди қабулда сўз олган Ҳилола.
Ҳилола Ботирова дўконидан ташқари новвойхона қуриш нияти борлигини, кредит олиб пули ҳам тайёр турганини айтиб, “ ‘Тумангаз’дан ҳисоблагич ва новвойхона учун тандир олишда ёрдам берсангиз”, деди.
Қабулида бўлган қизни тинглаган вилоят раҳбари унга ёрдам берилишини, қўллаб-қувватланишини маълум қилди.
Изоҳ (0)