Президент қарори билан Ўзбекистонда Кичик бизнесни узлуксиз қўллаб-қувватлаш комплекс дастури амалга оширилади. Ҳужжатда тадбиркорларни молиявий қўллаб-қувватлаш тартиблари акс этган.
Қарорга биноан, 2024 йил 1 январдан бошлаб оилавий тадбиркорликни ривожлантириш дастурлари доирасида кредитлар 3 йилгача муддатга 6 ойлик имтиёзли давр билан йиллик Марказий банкнинг асосий ставкасидан 4 фоизлик пункт юқори ставкада ажратилади.
Кичик бизнес учун 1,5 миллиард сўмгача имтиёзли кредитлар берилади.
Хусусан, 100 миллион сўмгача гаровсиз кредитлар 24 ойгача имтиёзли давр билан 84 ойгача ажратилади. 150 миллион сўмгача гаров талаби пасайтирилган револвер кредитлар очиқ кредит линияси асосида ҳар 12 ойда сўндириш шарти билан 36 ойгача берилади.
Шу билан бирга, 1 миллиард сўмгача кредитлар асосий воситаларни сотиб олиш учун 24 ойгача имтиёзли давр билан 84 ойгача ажратилади. 1,5 миллиард сўмгача кредитлар асосий воситаларни сотиб олиш учун 24 ойгача имтиёзли давр билан 84 ойгача берилади.
1,5 миллиард сўмгача лизинг хизматлари кўрсатиш йўналишида асбоб-ускуналар, технологик жиҳозлар ва махсус техникаларни сотиб олиш учун 24 ойгача имтиёзли давр билан 84 ойгача амалга оширилади.
1,5 миллиард сўмгача фоизсиз бўлиб-бўлиб тўлаш шарти билан қарзга асосий восита олиб бериш йўналишида асбоб ускуналар, технологик жиҳозлар ва махсус техникаларни сотиб олиш учун 24 ойгача имтиёзли давр билан 84 ойгача амалга оширилади.
Қолаверса, 2 миллиард сўмгача грант маблағлари тадбиркорлик фаолиятини кенгайтириш истаги бўлган ва лойиҳалари белгиланган тартибда истиқболли лойиҳа сифатида танлаб олинган кичик тадбиркорлик субъектларига тақдим этилади. Бунда маблағлар инновацион ишланмаларни тижоратлаштириш, юқори технологик стартап лойиҳаларга давлат илмий дастурлари доирасида ажратиб борилади.
Қарорда белгиланганки, Бизнесни ривожлантириш банкининг устав капитали 2023 йил 1 октябрдан 2024 йил якунигача босқичма-босқич 3 триллион сўмга етказилади. Бугунги кунда банк устав капитали 1,86 триллион сўмни ташкил этади.
Изоҳ (3)
Davlat qonuni haqatan zor bosa Davlati gapi otsa Oddi fuqoraga yordam berila qonun kuchida bosa agar
Yugur yugur hujat narsa unga bor bunda bor chopib yurmimanmi
Assalamualeykum Surhandaryo Viloyati Sherobod tumani Cho'yinchi mahalasi Oydin ko'chasi 14 uy Jumayev Begzod Erkin o'g'li men qancha Pul kridet olsam bo'ladi uy joy qlishim kerak +998937991292