Toshkent viloyatining Parkent tumanidagi Zarkent qishlog‘ida yashovchi Gavhar Rizayeva O‘zbekistonda tadbirkorlikka yaratilgan e’tibor sabab bugun uzum eksport qiluvchi, yoz mavsumida 5, 10 va 25 litrlik idishlarda toza filtrlangan suv ishlab chiqarib, iste’molchilarga yetkazadigan ishbilarmon ayolga aylandi. “Daryo” jurnalisti tadbirkor va fermer ayol bilan suhbatlashdi.
2006-yildan beri 25 gektar maydonda uzum yetishtirish bilan shug‘ullanib kelamiz. Parkent uzumchiligining asoschisi otam — O‘zbekiston qahramoni Tojivoy Rizayev bo‘ladi. Rizamat ota uzumi AQSHda kashf qilingan bo‘lsa-da, uning lalmi yerga ekilishi va hosilga kirishida otamning xizmati beqiyos. O‘shandan beri bu ishning davomchisi sifatida bugungi kunda kichik o‘g‘lim bilan uzum yetishtirib, nafaqat mahalliy bozorga, balki jahon bozoriga ham olib chiqyapmiz, deydi suhbatdosh.
-_9PUSR-C.jpg)
Fermer ayolning aytishicha, uning 25 gektar maydonida bir necha turdagi uzumlar yetishtiriladi. 30 ta xonadon vakillari shu yerda mehnat qilib, daromad topadi.
-XDig8Oz4.jpg)
Tok ko‘chatlari to‘rt yil parvarish qilinib, beshinchi yildan hosilga kiradi. Lalmi yerlar faqat kuz va qish oyidagi tabiiy yomg‘ir va qordan suv ichadi. Bir tup ko‘chatdan 40-45 bosh uzum olinadi. Kiloga hisoblaganda o‘rtacha 20-25 kg kishmish uzum olinsa, bir gektar maydondan eng kamida 15-20 tonna hosil olamiz, deydi Gavhar Rizayeva.
-uZSJqFJq.jpg)
-Yv1fYJSR.jpg)
Tadbirkor ayolning ma’lumot berishicha, Parkent kishmish uzumidan mayiz, shuningdek, vino ham tayyorlanadi.
-C4wMgMCo.jpg)
-Dq1M5UEb.jpg)
Uzumning turgan-bitgani foyda. Undan mayiz, vino, musallas tayyorlanadi. Shuningdek, uzum poyasi Parkent ko‘k somsasini yopishda ham ayni muddao hisoblanadi, deydi u.
Suhbatdoshning aytishicha, u yiliga 200-250 tonna uzum eksport qiladi.
-6BhSdcZ7.jpg)
Uzumlarimiz asosan Rossiyaning barcha hududlariga, shuningdek, Qozog‘iston va Qirg‘iziston bozorlariga chiqarilmoqda. Muzlatkichimizda 300 tonnagacha uzum saqlaymiz va yiliga 200-250 tonnagacha uzumni xorij bozorlarida sotamiz, deydi fermer ayol.
Gavhar Rizayevaning aytishicha, u 150 metr chuqurlikdan suv qazib chiqargan bo‘lib, yoz mavsumida 5,10 va 25 litrlik idishlarda besh ming donagacha sotadi.
-go2Yl08P.jpg)
Ayolmiz deb tinch o‘tirolmayman. 150 metr chuqurlikdan suv chiqarib, uni uch bosqichda filtrlab, yoz oylarida 5, 10 va 25 litrlik idishlarda qadoqlab, kuniga besh ming donagacha suv idishlarini iste’molchilarga yetkazamiz, deydi suhbatdosh.
Zarkentda, shuningdek, har bir xonadon uzum yetishtirish bilan shug‘ullanib, daromad qiladi. Shu qishloqda yashovchi Sayfulla akaning aytishicha, u va oila a’zolari yiliga uzum yetishtirish va sotish evaziga 100 million so‘mga yaqin sof daromad oladi.
Izoh (0)