Фойдали озиқ-овқатлар бизга куч ва энергия беради ва организмни керакли элементлар билан бойитади, аммо шундай маҳсулотлар борки, улар акс таъсир қилади. Уларнинг истеъмоли узоқ муддатга уйқучанликни келтириб чиқаради. Мутахассислар меъёридан ортиқ ейилса, организмни энергиядан маҳрум қиладиган маҳсулотларни санаб ўтди.
Сули ёрмаси
Энг фойдали нонушталардан бири сули ёрмасидан тайёрланган бўтқа сизни чарчатиши мумкин, чунки унинг таркибида соғлом уйқуни таъминлайдиган триптофан моддаси мавжуд. Эрталаб истеъмол қилинган сули ёрмаси тушликда уйқу келтириб чиқаради.
Банан
Банан (ботаника нуқтаи назардан, банан резавор мевадир) калийга бой бўлиб, организмда мелатонин ишлаб чиқариш учун жавоб беради. Банандаги гамма аминоёғ кислотаси асаб тизимини тинчлантиради. Куннинг биринчи ярмида банан истеъмол қилсангиз, кечқурун сизда уйқучанлик ва ҳолсизлик пайдо бўлади.
Қуритилган қора олхўри
Олхўри меваси B6 витаминининг манбаи бўлиб, улар мелатонин биосинтезини кучайтиргани учун уйқучанликка сабаб бўлади.
Киви
Кивида танани тинчлантирувчи C витамини ва каротеноидлар бор. Кечки овқатдан сўнг киви ейиш уйқу сифатини яхшилайди.
Ёғли балиқ
Лосос, мидия, тунец балиғи каби ёғли денгиз маҳсулотлари D витамини ва омега-3 кислоталари билан тўйинган бўлиб, улар серотонин ишлаб чиқаришни тартибга солишда иштирок этади. Шунингдек, қизил икра ҳам уйқуни келтириши исботланган.
Курка гўшти
Курка гўшти парҳезбоп ҳисобланади. Ундаги триптофан моддаси сули ёрмаси каби уйқучанликни келтириб чиқаради.
Бодом
Ушбу ёнғоқ таркибидаги магний тинчлантиради ва уйқу келтиради. Бодом ёғли бўлганлиги сабабли меъёридан ортиқ истеъмол қилиш тавсия этилмайди.
Рафинадланган углеводлар
Ширинликлар, оқ гуруч, макарон ва нон маҳсулотлари вазн ортиши билан бирга энергияни тез сарфланишига олиб келади. Улар қондаги шакар миқдорини қисқа вақтда ошириб, инсулин моддаси камайишига ва уйқучанликка сабаб бўлади.
Изоҳ (0)