Электр тармоқлари учун тўлов ҳисоби нега баланд чиқяпти, деб бош қотиряпсизми? Шундай маиший техникалар борки, улардан кун давомида қисқа фурсатга фойдалансангиз ҳам, жуда кўп электр энергияси сарфлайди. Қуйида қайси техникалар энг кўп ток “ейишини” кўриб чиқамиз.
Портатив иситкич
Қишнинг совуқ кунларида вақтинча фойдаланиладиган иситкичлар жуда кўп энергия сарфлайди. Қурилма соатига тахминан 1500 ватт қувватда ишлайди. Шу жумладан кондиционер ҳам.
Идиш ювиш машинаси
Бугунги кунда идиш ювиш машинаси энг қулай қурилмалардан бўлиб, вақтингизни тежашга хизмат қилади, аммо мазкур техника сизга қимматга тушиши мумкин. Бу қурилма нафақат махсус ювиш воситаларини, балки кўп электр энергиясини ҳам талаб қилади — ҳар соатда тахминан 1350 ватт энергия кетади.
Фен
Соч қуриткичдан узоқ вақт фойдаланиш ҳам соатига 1000 дан 1875 ваттгача энергия сарф қилади. Фен харид қилишдан аввал ушбу параметрга эътибор беришни унутманг.
Дазмол
Кийимларингизни дазмоллаш кўп энергия талаб қилмаслиги мумкин, лекин дазмолнинг ўзи соатига тахминан 1200 ватт қувват сарфлайди, шунинг учун эҳтиёткорлик билан дазмоллашни талаб қиладиган чойшаблар ва мураккаб кийимларни дазмолласангиз, бу энергия ҳисобингизга таъсир қилиши мумкин.
Тостер
Нонни қизартириб олиш ёки пиццани иситиш бир неча дақиқа вақт олади, аммо ўша пайтда жуда кўп энергия сарф этилади. Тостер соатига тахминан 1150 ватт электр энергия истеъмол қилади.
Ҳаво намлагич
Ҳаво намлагичлар қуруқ ҳавода ишлатиш учун жуда яхши техника, лекин агар у энергия тежайдиган модель бўлмаса, ҳар соатда 1000 ваттгача қувват кетиши мумкин.
Микротўлқинли печ
Микротўлқинли печлар турли қувват даражаларида ишлайди, ўртача модель 600 дан 1500 ваттгача энергия истеъмол қилади. Айниқса музлаган гўштни эритиш вақтида кўп миқдорда ток кетади.
Кофе қайнаткич
Ҳар куни эрталаб қаҳва ичишни ёқтирсангиз, уни тайёрлаш учун қанча энергия кераклигини билишингиз лозим. Қаҳва қайнатгич соатига ўртача 600 дан 1200 ваттгача электр энергия сарфлайди.
Чангюткич
Микротўлқинли печ сингари чангюткич ҳам моделига қараб ўртача 300 дан 1000 ваттгача энергия истеъмол қилади.
Электр чойнак
Агар электр чойнакни кунига 3-4 марта ёқсангиз, у ҳолда сизга 600-700 ватт керак бўлади, лекин бутун оила уни тўхтовсиз ишлаца, кўрсаткичлар икки ёки уч баравар юқори бўлади. Шунинг учун кўпчилик сувни қайта иситмаслик учун қолган қайноқ сувни термосда сақлашни афзал кўради.
Изоҳ (0)