Агар ҳеч нарса қилишни хоҳламасангиз, келажак учун режаларингиз бўлмаса, орзу қилишни тўхтатган бўлсангиз, қуйидаги тавсиялар бу борада ёрдам беради.
Соғлиқ билан боғлиқ муаммолар
Рационда витамин ва минераллар етишмаса, унумдорлик камаяди, концентрация пасаяди ва доим уйқу босади. Шунинг учун ўз вақтида кенг қамровли текширувдан ўтиш жуда муҳим.
Уйда ёки ишдаги доимий низолар
Стресс остида бўлганида тана ҳимоя ва омон қолиш режимига ўтади. Мия ишлашдан бош тортади, сиз бутун дунёдан яширинишни ва иложи борича ухлашни хоҳлайсиз. Бундай пайтда муаммоларингизни баҳам кўришингиз мумкин бўлган яқин одамингиз бўлиши ёки психологга мурожаат қилиш муҳимдир.
Депрессия
Агар сизда депрессиянинг биринчи аломатлари бўлса, мажбурий терапия керак. Жараён чўзилиши мумкинлиги сабабли бундай муаммодан ўзингиз халос бўлишга уринмаслигингиз лозим. Бу психолог ёки психиатрга ташриф буюришни талаб қилади, оғир ҳолатларда эса махсус дори-дармонлар буюрилади.
Кам иш ҳақи
Ишингизга кўпроқ вақт ажрацангиз-у, лекин кам ойлик олсангиз, янги иш топиш ёки раҳбарият сизни кўпроқ қадрлаши учун гаплашиб олиш керак бўлади.
Фаолият соҳасини нотўғри танлаш
Мисол учун, бутун умр ошпаз бўлиб ишлашни хоҳлардингиз, лекин ота-онангиз муҳандис бўлишингизни талаб қилди, чунки бу нуфузли касб. Ўзингиз ёқтирмайдиган иш қилиш сизга ҳеч қачон роҳат келтирмайди, муваффақиятга ҳам эриша олмайсиз. Ҳар қандай ёшда касбингизни ўзгартириш ва сизни чинакам илҳомлантирадиган ишни қилиш учун кеч бўлмайди.
Ишдаги стресс
Стрессни енгиш учун иш ва шахсий вақтни аниқ ажратиб олишни, баъзи вазифаларни топширишни ўрганишингиз ва мақсадлар ҳамда турли қийинчиликларга дуч келишга тўғри келади. Муаммоларга эмас, балки ижобий томонларга эътибор қаратишга ҳаракат қилинг: ривожланиш, барқарор даромад, одамлар билан мулоқот ва имкониятлар қидиринг.
Ҳолдан тойишнинг белгилари ва бундай пайтда нима қилиш керак?
Бу истаклар, глобал мақсадлар ва олдинга интилишнинг етишмаслигидан юзага келади. Аввало, ҳаётингизни, қандай яшаётганингиз ҳақида ўйлаб кўришингиз керак. Катта-кичик режаларингиз, орзуларингиз, интилишларингиз борми? Сизни телевизор ёки ижтимоий тармоқлардан бошқа нарсалар ҳам қизиқтирадими?
Шуни тушуниш керакки, инсоннинг хоҳиш-истаклари қанчалик кам бўлса, у ташқи дунёда амалга ошириладиган энергия ҳам камроқ бўлади. Агар бу энергия чиқиш йўлини топа олмаса, у бузғунчи ҳаракатларга айланади. Болалик ва ўтмишдаги травмалар фаоллашади ва кўпроқ салбий фикрлар пайдо бўлади. Ҳаётда кутилмаган ва ёқимсиз вазиятлар юзага келади: жанжал, тушунмовчилик, умидсизлик ва бошқалар.
Муваффақият келажакка интиладиган фикрлашни талаб қилади, бунда орзуларимизни амалга оширамиз ва уларни аниқ мақсадларга айлантирамиз. Келажакнинг маълум бир тасвири шаклланади, сиз уни аввал онгингизда қурасиз, кейин эса ҳақиқатга айлантиришга интиласиз. Ушбу мақсадларга эришиш истаги, орзуларингизга яқинлашиш йўлингиздаги жуда кўп қийинчиликларни енгишингизга ёрдам беради. Бу ишлашга, таваккал қилишга ва ундан завқ олишга ёрдам берадиган ҳиссиёт. Бундай ҳолда қисқа психотерапия курси ёрдам бериши мумкин: ўртача 1 ойдан 3 ойгача. Агар эрталаб ҳолдан тойган бўлсангиз ёки бефарқлик ҳиссини сезсангиз, руҳий ресурсларни тиклаш муҳимдир.
Изоҳ (0)