Эрталаб уйғонишда йўл қўйилган илк хато куни бўйи ўз таъсирини ўтказиши мумкин. Кун ҳар доим яхши ўтиши учун бир нечта хатолардан қочиш керак, деб ёзади «Новий очаг».
Уйғоткич вақтини ортга суриш
Афсуски, қўшимча беш дақиқа уйқу ҳеч қандай энергия бермайди. Қолаверса, қайта-қайта уйғонишни кейинга қолдириб, барча ишни ортга суриш мумкин холос. Саломатликнинг калити — мунтазамлик. Бир вақтнинг ўзида ухлашга ва уйғонишга ҳаракат қилиш тавсия этилади, камида 8 соат ухлаш орқали саломатликни яхши томонга ўзгарганини тез орада сезиш мумкин.
Пардаларни очмаслик
Қоронғи хонада яхшироқ ухлайман деб ўйлайсизми? Ундай эмас. Қуёш нури тезроқ уйғонишга ёрдам беради ва бунинг учун энергия пайдо бўлади. Бундан ташқари, табиий цикллар ва метаболик жараёнларни тартибга солиш учун зарурдир, бу эса ўз навбатида иммунитет тизимининг ишига таъсир қилади ва организмни яллиғланиш ҳамда юқумли касалликлардан ҳимоя қилади.
Ётоқдан шошилиб туриш
Тўсатдан позицияни горизонталдан вертикалга ўзгартирганда, қон организмнинг юқори ярмидан оёқларга оқиб чиқади. Бу босимнинг пасайишига, заифлик ва бош айланишига олиб келиши мумкин. Шошаётган бўлсангиз ҳам ётоқдан сакраб тушманг. Тўшакнинг четида 1-2 дақиқа ўтириб, яхшилаб уйғониб олиш зарур.
Эрталабки машғулотларни ўтказиб юбориш
Уйғонгандан сўнг дарҳол спорт билан шуғулланиш кун бўйи энергия ва яхши кайфиятда юришга ёрдам беради. Бундан ташқари, эрталаб калорияларнинг яхши қисми сарфлангандан сўнг, нонушта учун мазали нарса истеъмол қилиш мумкин.
Гигиенага риоя қилмаслик
Қаҳва ёки лимонли сув каби кислотали ичимликлардан кейин тишларни ювишга шошилмаслик керак. Буни олдиндан ёки нонуштадан кейин 30-60 дақиқадан сўнг қилиш яхшироқ, акс ҳолда тез орада тиш шифокорига мурожаат қилишга тўғри келади.
Телефонни узоқроққа қўймаслик
Уйқу асаб тизимини тиклашга ёрдам беради, стресс ва ташвишлардан халос қилади. Агар уйғонгач, электрон почта хабарлари, мессенжерлар ёки ижтимоий тармоқлардаги саҳифаларни текшириш учун биринчи навбатда гаджетларни қўлга олинса, уйқунинг бутун терапевтик таъсири бекор бўлади.
Нонуштани ўтказиб юбориш
Нонуштани ўтказиб юбормайдиган одамларда семириш, доимий чарчоқ синдроми, 2-тоифа диабет ва юрак-қон томир касалликлари хавфи камроқ экани илмий жиҳатдан исботланган.
Ширинликларга ўчлик
Кунни булочка ва бошқа шакарли маҳсулотлар билан бошламасликка ҳаракат қилиш тавсия этилади. Ушбу маҳсулотларда оддий углеводлар мавжуд. Бу моддалар организмга кириб, жуда тезликда шакарга айланади. Қон шакарининг кўпайиши инсулиннинг фаол ишлаб чиқарилишини рағбатлантиради. Ушбу босқичда кафият бироз кўтарилиши мумкин, аммо оддий углеводлар ҳам тез ҳазм қилинади ва аввалги энергиядан асар ҳам қолмайди. Бир соат ичида чарчоқ ва очлик пайдо бўлади.
Фикрлашни ўзгартирмаслик
Агар кун қийин ва воқеаларга бой бўлса, эрталаб медитация учун бир неча дақиқа бўш вақтдан фойдаланиш лозим. Кўзларни юмиш, мияни салбий фикрлардан тозалаш, фақат чуқур ва секин нафас олиш лозим. Ушбу амалиёт стресс гормони кортизол даражасини пасайтириш ва тушкун кайфиятни бартараф этиш имконини беради. Агар ҳар куни нафас олиш машқлари бажарилса, ташвиш, гипертония, уйқусизлик ва мигрен хавфини сезиларли даражада камаяди.
Режасиз иш қилиш
Кун давомида машаққатли стресс, тартибсизлик ва шошқалоқликдан қочиш учун эрталабдан режа тузишни бошлаш лозим. Асосий ҳал қилиш керак бўлган вазифаларни мияда шакллантириб олиш зарур. Бу орқали барча режалаштирилган ишларни бажаришга вақт топиш мумкин.
Изоҳ (0)