Туркманистон Қозоғистонга табиий газ ва электр энергияси экспорт қилиши мумкин. Бу ҳақда туркман халқи миллий етакчиси, Туркманистон халқ маслаҳати раиси Гурбангули Бердимуҳамедовга таяниб, ТDH агентлиги хабар берди.
Бердимуҳамедовнинг сўзларига кўра, Туркманистон глобал энергия бозорларининг умуман беқарор шароитида самарали, ишончли, ўзини ўзи таъминловчи ҳамкорлик моделини яратиш зарур деб ҳисоблайди. Бу давлатларнинг энергияга бўлган эҳтиёжини қондиради.
Туркманистон қардош мамлакатларга энергия ресурсларини етказиб беришга ва экспорт ҳажмини оширишга тайёр, — деди туркман халқи миллий раҳбари.
Ҳозирда Туркманистон Ўзбекистон ва Қирғизистонга электр энергияси экспорт қилмоқда. Шу билан бирга, Туркманистон табиий газини шарққа жўнатиш бўйича ушбу давлатлар иштирокида йирик лойиҳаларни амалга ошириш режалаштирилмоқда.
Туркманистон табиий гази ва электр энергиясини Қозоғистон, Озарбайжон ва Туркияга экспорт қилиш учун ҳам яхши имкониятларга эгамиз. Биз қардош мамлакатларга энергия хавфсизлигини таъминлашда ёрдам кўрсатишни давом эттиришга тайёрмиз, — дея хулоса қилди Гурбангули Бердимуҳамедов.
Унинг сўзларига кўра, Туркманистон келажакда доимий ишлайдиган интеграциялашган энергия узатиш тизимини яратиши мумкин. Бунда туркий давлатлар географик яқинлик, ресурс салоҳияти ва таъминот воситалари афзалликларидан тўлиқ фойдалана олади.
Изоҳ (0)