Foydali oziq-ovqatlar bizga kuch va energiya beradi va organizmni kerakli elementlar bilan boyitadi, ammo shunday mahsulotlar borki, ular aks ta’sir qiladi. Ularning iste’moli uzoq muddatga uyquchanlikni keltirib chiqaradi. Mutaxassislar me’yoridan ortiq yeyilsa, organizmni energiyadan mahrum qiladigan mahsulotlarni sanab o‘tdi.
Suli yormasi
Eng foydali nonushtalardan biri suli yormasidan tayyorlangan bo‘tqa sizni charchatishi mumkin, chunki uning tarkibida sog‘lom uyquni ta’minlaydigan triptofan moddasi mavjud. Ertalab iste’mol qilingan suli yormasi tushlikda uyqu keltirib chiqaradi.
Banan
Banan (botanika nuqtai nazardan, banan rezavor mevadir) kaliyga boy bo‘lib, organizmda melatonin ishlab chiqarish uchun javob beradi. Banandagi gamma aminoyog‘ kislotasi asab tizimini tinchlantiradi. Kunning birinchi yarmida banan iste’mol qilsangiz, kechqurun sizda uyquchanlik va holsizlik paydo bo‘ladi.
Quritilgan qora olxo‘ri
Olxo‘ri mevasi B6 vitaminining manbai bo‘lib, ular melatonin biosintezini kuchaytirgani uchun uyquchanlikka sabab bo‘ladi.
Kivi
Kivida tanani tinchlantiruvchi C vitamini va karotenoidlar bor. Kechki ovqatdan so‘ng kivi yeyish uyqu sifatini yaxshilaydi.
Yog‘li baliq
Losos, midiya, tunes balig‘i kabi yog‘li dengiz mahsulotlari D vitamini va omega-3 kislotalari bilan to‘yingan bo‘lib, ular serotonin ishlab chiqarishni tartibga solishda ishtirok etadi. Shuningdek, qizil ikra ham uyquni keltirishi isbotlangan.
Kurka go‘shti
Kurka go‘shti parhezbop hisoblanadi. Undagi triptofan moddasi suli yormasi kabi uyquchanlikni keltirib chiqaradi.
Bodom
Ushbu yong‘oq tarkibidagi magniy tinchlantiradi va uyqu keltiradi. Bodom yog‘li bo‘lganligi sababli me’yoridan ortiq iste’mol qilish tavsiya etilmaydi.
Rafinadlangan uglevodlar
Shirinliklar, oq guruch, makaron va non mahsulotlari vazn ortishi bilan birga energiyani tez sarflanishiga olib keladi. Ular qondagi shakar miqdorini qisqa vaqtda oshirib, insulin moddasi kamayishiga va uyquchanlikka sabab bo‘ladi.
Izoh (0)