Armanistonda harbiy xizmat va harbiy o‘quv yig‘inlaridan bosh tortganlik uchun jazoni og‘irlashtirish rejalashtirilmoqda. Jinoyat kodeksiga tegishli o‘zgartirishlar kiritish loyihasi hukumat majlisida ma’qullandi.
Chaqiruvdan bosh tortganlik uchun qamoq muddatini (Armaniston Jinoyat kodeksining 461-moddasi 1-qismi bo‘yicha) 2-5 yildan 3-6 yilgacha, harbiy o‘quv yig‘inlaridan bosh tortganlik uchun esa (462-moddaning 1-qismi) bir yildan 3 yilgacha (hozirgi qonunda 2 yilgacha) uzaytirish taklif etilmoqda.
Adliya vazirligi tomonidan tayyorlangan qonun loyihasi parlamentga ko‘rib chiqish uchun yuboriladi.
Adliya vazirligi qonun loyihasiga bergan izohida chaqiruvdan bosh tortish holatlari ko‘payganini ta’kidlagan (2023-yilda bu bo‘yicha 1 499 ta, 2025-yilda esa 1 779 ta jinoyat ishi qo‘zg‘atilgan).
Izoh (0)