Armaniston hozirda KXSHTning barcha organlaridagi ishtirokini muzlatib qo‘ydi. Bu haqda mamlakat bosh vaziri Nikol Pashinyanga tayanib, APA xabar berdi.
Biz KXSHTning barcha organlaridagi faoliyatimizni muzlatib qo'ydik va hozirgi bosqichda buni yetarli deb hisoblaymiz. Endilikda boshqacha qaror qabul qilish zaruratini ko‘rmayapmiz, ammo bu kelajakda boshqa qaror qabul qilmasligimizni anglatmaydi, degan u.
Pashinyan 2024-yilning 12-iyun kuni Armaniston KXSHTdan chiqishini ma’lum qilgandi.
Chiqamiz. Qachon chiqishni o‘zimiz hal qilamiz. Sizningcha, keyingi qadamimiz qanday bo‘lishi kerak? Axir orqaga qaytmaymiz-ku! Boshqa yo‘limiz yo‘q, deya ta’kidlagan u.
Siyosatchi mamlakatning sobiq hukumatini o‘z shartnomaviy majburiyatlarini bajarmayotgan “pufaksimon ittifoq”qa (KXSHTni nazarda tutgan) kirgani uchun ayblagan.
Armaniston va Kollektiv xavfsizlik shartnomasi tashkiloti munosabatlari
2023-yil yanvar oyida Armanistonda KXSHT mashg‘ulotlari bekor qilingan. Shundan so‘ng ular Qirg‘izistonda amalga oshirilgan. O‘tgan yilning noyabr oyida Minskda tashkilotning sammiti bo‘lib o‘tgan, unda arman vakillaridan hech biri ishtirok etmagan. Bosh kotib Imangali Tasmagambetov Armaniston tashkilotdan chiqish niyatida emasligini aytgan.
Armaniston bosh vaziri Nikol Pashinyan KXSHTdan chiqish haqida gap yo‘qligiga ishontirgan, biroq u mamlakat yangi hamkorlar izlayotganini ham ta’kidlagan. 22-fevral kuni Pashinyan o‘z mamlakatining KXSHTdagi ishtiroki muzlatilganini e’lon qildi. Shu yilning iyun oyida Armaniston tashkilotdan chiqishi mumkinligi ma’lum bo‘ldi.
Izoh (0)