O‘zbekistonning doimiy aholisi soni 2 foizga ko‘paygani ma’lum qilindi.
Milliy statistika qo‘mitasi ma’lumotlariga ko‘ra, 2025-yilning 1-aprel holatiga O‘zbekistonda doimiy yashovchi aholi soni 37,7 mln kishini tashkil etgan. Bu ko‘rsatkich, 2024-yilning mos davriga nisbatan 2 foizga ko‘paygan.
Shundan:
- Ayollar soni – 18 714,9 ming kishi
- Erkaklar soni – 18 982,9 ming kishi
- Shahar joylarda – 19 216,4 ming kishi
- Qishloq joylarda – 18 481,4 ming kishi.
O‘zbekistonda 2025-yilda necha kishi vafot etishi mumkinligi prognoz qilingan edi. O‘zbekistonda o‘limlar soni 2025-yilda 223,9 ming kishini tashkil etishi taxmin qilinmoqda. Statistika agentligi ma’lumotlariga ko‘ra, O‘zbekistonda o‘rtacha umr ko‘rish davomiyligi 74,3 yoshni tashkil etadi. Mamlakatda o‘lim holatlarining yarmidan ko‘pi qon aylanish tizimi kasalliklari sabab yuz bermoqda.
Izoh (0)