Jurnalist va bloger Jasur Hamroyev 42 yoshida vafot etdi. Bu haqda Munisa Rizayeva o‘z sahifasida yozib qoldirdi.
U 1983-yilda Buxoroda tug‘ilgan. Internet jurnalistikasida eng birinchilardan bo‘lib asos solingan “Shov-shuv.uz” loyihasi asoschisi va bosh muhariri bo‘lgan. U ma’lum muddat O‘zbekiston “Adolat” sotsial-demokratik partiyasi Yakkasaroy kengashi raisi sifatida faoliyat olib borgan.
O‘zbekiston prezidenti huzuridagi davlat va jamiyat qurilishi akademiyasi “Boshqaruv mahorati” kursini muvaffaqiyatli tamomlagan. So‘nggi vaqtlarda o‘z bloglarida shou-biznes yangiliklari bilan bo‘lishib borardi.
Jasur Hamroyev qand kasali tufayli vafot etgani aytilmoqda.
26-fevral kuni jurnalist Alisher Ro‘zioxunov 32 yoshida vafot etgani haqida xabar berilgan edi. Alisher Ro‘zioxunov bir necha yil davomida O‘zbekistonning qator nashrlarida faoliyat olib borgan. Jumladan, “Gazeta.uz”, “Bugun.uz”, “Kun.uz” saytlaridagi maqolalari bilan omma eʼtiboriga tushgan edi.
Izoh (0)