Rossiya statistika qo‘mitasi ma’lumotlariga ko‘ra, 2022-yilning sakkiz oyi davomida Rossiyada ko‘p yillardan buyon birinchi marta muhojirlarning mamlakatni yoppasiga tark etishi qayd etilgan. Bunday holat hatto koronavirusli 2020-yilda ham kuzatilmagan.
Yanvardan avgustga qadar mamlakatga qariyb 444 ming muhojir kelib, 506 mingdan ortig‘i mamlakatni tark etgan. Migratsion oqimning qochishi 62,5 ming kishini tashkil etdi. Shu bilan birga, 2021 va 2020-yillarda Rossiyada chet el mamlakatlari fuqarolari bo‘lgan muhojirlarning oqib kelishi kuzatilgan edi (tegishli ravishda plyus 212,3 ming va 68,8 ming).
Urush boshlanguniga qadar Rossiyaga ukrainaliklar pul ishlab topish uchun faol ravishda kelgan. 2021-yilning sakkiz oyi yakunlariga ko‘ra, Ukraina barcha xorij mamlakatlari ichida ikkinchi o‘rinda turgan (migratsion oqim 34,6 ming kishini tashkil qilgan). Tojikistongina undan oldinda bo‘lgan.
Endi esa ukrainaliklar, qolgan barcha muhojirlar kabi, Rossiyadan qochib ketmoqda. 8 oy ichida ukrainalik muhojirlar kamomadi 8,5 ming kishiga teng bo‘lgan. Rossiyadan ketish bo‘yicha rekordchilar ichida Armaniston (minus 15,7 ming), Qirg‘iziston (minus 14 ming), O‘zbekiston (minus 13,7 ming). Faqat bitta mamlakatdan keluvchilar soni ketuvchilar sonidan ko‘p xolos, bu ham bo‘lsa — Tojikiston (biroq u yerdan kelayotgan oqim ham bir yil avvalgidan kamroq — plyus 41,7 ming).
Oktabr oyida Rossiya prezidenti Vladimir Putin migratsiya siyosatining joriy konsepsiyasiga tuzatish kiritish zarurligini aytgandi. U “potensial sinovlar”ning barchasini hisobga olishi kerak, dedi u. Hozircha tafsilotlar e’lon qilingani yo‘q, biroq ekspertlar fikriga ko‘ra, muhojirlar uchun shartlar jiddiy ravishda qat’iylashtiriladi, demak ularning soni yanada qisqaradi. Shu bilan birga, o‘tkazilgan so‘rov natijalariga qaraganda, rossiyaliklar muhojirlar oladigan maosh evaziga ularning o‘rniga ishlashni xohlamaydi.
Mavzuga doir:
- Huquq himoyachisi: “Rossiyada muhojirlar ixtiyoriy harbiy xizmat haqida shartnomalar tuzishga majburlanmoqda”
- Rossiyadagi qurilish maydonchalarida 2020-yilga nisbatan to‘rt baravar kam mehnat muhojirlari ishlamoqda
- Ukrainadagi urush sabab O‘zbekiston va boshqa davlatlarning fuqarolari Rossiyaga ish uchun borishi qanday kechmoqda?
Izoh (1)
Bu yolg'on meni o'zim rassiyadaman hozirgi o'zidayam bu yerda O'zbeklar ko'p