Aktrisaning aytishicha, u selfi olishdan ko‘ra muxlislari bilan suhbatlashishni afzal ko‘radi. Sara Jessika Parker muxlislar bilan kutilmagan uchrashuvlar va suratga tushish iltimoslariga bo‘lgan munosabati haqida gapirdi. Aktrisa o‘z fikrini Govard Stern bilan suhbatda bayon qildi.
Parker “maʼnosiz selfi”dan ko‘ra, ashaddiy muxlis bilan samimiy suhbatni afzal ko‘rishini taʼkidladi. U bunday muxlislar bilan bo‘lgan uchrashuvlardan biri haqida so‘zlab berdi.
“Oldimga bir ayol keldi va salomlashmay, to‘g‘ridan-to‘g‘ri: ‘Sizni suratga olsam bo‘ladimi’, deb so‘radi”, deydi Parker. Aktrisa rad etish o‘rniga muxlisi bilan tanishishga qaror qildi.
Ayol o‘zini Juli deb tanishtirdi va shunda Parker unga suratga tushmasligini aytdi. Buning o‘rniga aktrisa o‘tirib u bilan “gaplashishini”, “bu ancha maʼnoliroq bo‘lishiga ishonchim komil”, deb tushuntirdi Parker. Yakunda aktrisa va uning akasi Juli hamda uning Minnesotadan kelgan do‘stlari bilan birga tushlik qilishdi.
Izoh (0)