Ko‘plab Gollivud yulduzlari filmda suratga tushib bo‘lgach, qahramonining kiyimlarini esdalik sifatida o‘zlari bilan olib ketishga qaror qilishadi.
Riz Uizerspun
Aktrisaning eng yorqin roli “Qonundagi mallasoch” filmidagi Ell Vuds bo‘lib, u juda zamonaviy qiz bo‘ladi. Shuning uchun Riz stilistlarga ortiqcha pul sarflamaslik uchun garderobini o‘zi to‘ldirishga qaror qiladi. Uizerspun “Qonundagi mallasoch 2” filmidagi Ellning deyarli barcha kiyimini qo‘lga kiritadi — unda Jimmy Choo brendiga tegishli 77 juft poyabzal ham bor edi. Yulduz ushbu bandni suratga olish shartnomasiga kiritib qo‘ygan.
Robert Pattinson
Robert Pattinson “Sumerki” serialidagi vampir rolini ochiqchasiga yoqtirmasligini aytgan bo‘lsa ham, u filmdan xotira sifatida o‘zi kiygan pijamani olib qolgan.
Sara Jessika Parker
Kerri Bredshou — haqiqiy moda timsoli bo‘lib, uning shkafiga barcha qizlar havas qiladi, hatto u kabi kiyinishga harakat qilishadi. Ehtimol, bir kun Kerri muzeyiga tashrif buyurish mumkin bo‘lar, chunki Vogue jurnaliga bergan intervyusida Parker qahramonining barcha kiyimlarini saqlab qo‘yganini aytadi. Aktrisa o‘z boyligini maxsus xonada saqlaydi, u yerdagi barcha libos va poyabzallar seriallarga qarab ajratilgan.
Jennifer Lourens
Jasur mergan Kitniss Everdin roli Jennifer Lourensga olamshumul shuhrat va millionlab muxlislar armiyasini olib keldi. Lourens o‘z faoliyatidagi burilish davrining esdalik sovg‘asi sifatida qahramoni film davomida kiyib yurgan charm kurtka va etiklarni saqlab qo‘ygan.
Izoh (0)