Bunday aksessuarning soxta nusxasi uchun ham yaxshigina pul to‘lashingiz kerak bo‘ladi va ba’zi modellarni esa soxtalashtirishning imkoni yo‘q.
Eng mashhur sumka bu — Hermès Birkin Bag. Uning narxi 20 ming dollardan cheksizgacha o‘zgarib turadi — barchasi mijozning ushbu moda aksessuari uchun qancha to‘lashga tayyorligiga bog‘liq. Ushbu modelning eng ishtiyoqmand muxlisi Viktoriya Bekxemdir. Unda qimmatbaho sumkalar to‘plami mavjud bo‘lib, uning narxi ekspertlar tomonidan 3 million dollarga baholangan va Hermès Birkin esa ular ichida asosiy o‘rinni egallaydi.
Ma’lumki, Viktoriya arsenalida taxminan 80 ming dollar turadigan Hermes Himalaya Matte Crocodile Birkin eksklyuziv modeli mavjud. U Himalay timsohining terisidan, sumka ilgagi esa palladiydan ishlangan.
Xuddi Birkin sumkasi singari Lana Marks klatchlari ham buyurtma asosida ishlab chiqariladi. Agar Hermès yiliga 20 ga yaqin sumka chiqarsa, bu brend yiliga bir nusxada Cleopatra Clutch bilan cheklangan.
Ushbu hashamatli aksessuar 2007-yilda aktrisa Xelen Mirren uni “Oskar”ning qizil gilamida imijiga qo‘shganida keng ommalashdi. Keyinchalik esa global iqtisodiy inqiroz davrida yulduz noo‘rin isrofgarchilik uchun qoralandi, chunki bu klatchning narxi 250 ming dollarga baholangan.
Xelendan keyin boshqa Gollivud yulduzlari o‘zlariga bu hashamatga ruxsat berishni boshladilar — Sharliz Teron, Anjelina Joli, Li BinBin. Har bir Cleopatra Clutch alohida shaxs uchun ishlab chiqiladi va eng arzon versiyasi taxminan 100 000 dollar turadi.
Kundalik sumkalarga qaytadigan bo‘lsak, yulduzlarning eng sevimli sumkalaridan biri Ralph Lauren Ricky’ni eslab o‘tmasak bo‘lmaydi, kutyure uni rafiqasi Riki Loren nomi bilan atagan. Ushbu model kovboy egariga o‘xshaydi va zamogi yaltiroq hind tumoriga o‘xshaydi. Bugungi kunga kelib, klassik Ralph Lauren Ricky modeli va qisqartirilgan Soft Ricky sumkasi mavjud.
Sumkalar turli xil materiallardan tayyorlanadi, shunga qarab buyumning narxi o‘zgaradi. Misol uchun, Amerika alligatori terisidan tayyorlangan modelning narxi 15 ming dollar atrofida. Turli xil rangdagi bir nechta modellar Keti Xolms, Jessika Alba, Keyt Mossning arsenalidan joy olgan.
Agar Viktoriya Bekxem sumkalar to‘plamining asosi Germes Birkin bo‘lsa, boshqa moda ishqibozi Sara Jessika Parker tom ma’noda Fendi Baguette brendining muxlisi hisoblanadi. Aynan Jessika Parker qahramoni Kerri Bredshou bu sumkalarni ko‘z-ko‘z qila boshlaganidan keyin model atrofida haqiqiy shov-shuv boshlandi.
Fendi Baget 20 yil oldin ishlab chiqilgan va bugungi kunda uning har xil narxdagi minglab turlari mavjud. Parkerning o‘zi, uning arsenalida barcha modifikatsiyalarning deyarli yarmi borligini aytadi. Fendi uyi sumkalarining ommalashgani uchun minnatdor bo‘lib, aktrisaga o‘zining eng qimmat modellarini taqdim etadi.
Izoh (0)