Olamshumul mashhurlik keltirishi mumkin bo‘lgan rollarni rad etgan aktyor va aktrisalar (foto)

Kino sohasida ishlashning nozik jihatlaridan yiroq oddiy tomoshabinga har qanday aktyor ma’lum bir filmda rol o‘ynash uchun hamma narsani qurbon qilishga tayyordek tuyulishi mumkin. Biroq bu mutlaqo noto‘g‘ri. Ba’zida turli sabablarga ko‘ra, yulduzlar roldan qat’iyan voz kechadi, hatto taniqli rejissorlar filmda ishtirok etishini so‘rasa ham.

Sem Uit roli — Bryus Uillis va Patrik Sueyzi

Filmdagi asosiy rolni taklif qilishganida Bryus Uillis Demi Murga uylangan edi. Ssenariy bilan tanishib chiqqach, u o‘ylanib qoladi: film ijodkorlari qanday qilib arvoh yigit ishtirokida o‘ta kuchli romantik sujetni yaratishadi? Aktyor film muvaffaqiyatiga ishonmadi va roldan osonlikcha voz kechdi.

Patrik Sueyzi esa o‘z navbatida, rol bilan tanishib chiqishga shoshilmadi. Ayolining qistovi bilan ssenariyni qo‘lga olgan Sueyzi uni bir o‘tirishdayoq o‘qib chiqdi va ko‘ziga yosh oldi — u rolni ijro etishga tayyor edi.

Deyzi Domerg roli — Jennifer Lourens va Jennifer Jeyson Li

“Jirkanch sakkizlik” filmidagi asosiy rollardan biri, ya’ni sudlangan Deyzi Domerg qahramoni dastlab Jennifer Lourensga taklif qilingan. Bu taklif shunchaki emas, balki shaxsan rejissor Kventin Torontino uning muxlisi bo‘lgani uchun bu rolni aynan u ijro etishini juda ham xohlagan. Biroq aktrisaning qat’iy ish jadvali bunga xalaqit berdi.

Tarantino avvaliga Jennifer Jeyson Li ham taklifini rad etadi, uchrashuvga esa shunchaki odob yuzasidan kelgan deb o‘ylagan. Chunki aktrisa o‘sha paytda “Joy” filmida suratga tushayotgan edi.

Jeyms Bond roli — Liam Nison va Pirs Brosnan

Liamning o‘zi tan olganidek, 90-yillardagi Bond rolini to‘g‘ridan to‘g‘ri matn bilan taklif qilish uchun vaqt yo‘q edi. Film prodyuseri bilan faqat bir nechta yuzaki suhbatlar bo‘lgan, xolos. Film ijodkorlari esa o‘sha paytda u bilan birga yana ko‘plab nomzodlarni ko‘rib chiqishdi.

Shu bilan birga, Natasha Richardson ismli qiz ham Liam Nisonning rad javobi uchun hal qiluvchi sabab bo‘ldi, u ochiqchasiga: “Azizim, agar Jeyms Bond rolini taklif qilishsa-yu, bunga rozi bo‘lsang, hech qachon senga turmushga chiqmayman”, dedi. Oxir-oqibat ular turmush qurdi va uzoq vaqtgacha qachonki janjallashgudek bo‘lishsa, aktyor filmdagi musiqani baralla qo‘yib, ayoliga hazil qiladigan bo‘ldi.

Gendalf roli — Shon Konneri va Ien Makkellen

Bugun “Uzuklar hukmdori” filmlar seriyasini dunyo xiti sifatida bilamiz. Ammo dastavval kinostudiya uni juda tavakkal loyiha hisoblagan: ulkan budjet, nisbatan taniqli bo‘lmagan rejissor, mashhur aktyorlarning yo‘qligi shubhalarni keltirib chiqardi.

Oxir-oqibat eng kamida asosiy rollardan biri, masalan, kuchli sehrgar Gendalf roliga mashhur aktyor Shon Konnerini taklif qilish to‘g‘risida qaror qabul qilindi. Biroq u aqlbovar qilmaydigan darajadagi gonorar va bir dunyo va’dalarga qaramay, rolni rad etadi. Buni ssenariyni tushunmagani bilan izohlaydi.

Maykl Korleone roli — Jek Nikolson va Al Pachino

Umuman olganda, Nikolson bu rolni o‘ynashga qarshi emas edi, lekin uni rad etadi va bu loyihaning muvaffaqiyatiga shubhalangani uchun emasdi. Aksincha, aktyor rolning ahamiyatini to‘g‘ri baholadi va personajning italyan ildizlarini hisobga olgan holda uni italyan qoni bor aktyor o‘ynashi kerakligini aytdi. Jek Nikolsonning so‘zlariga ko‘ra, ko‘plab aktyorlar Maykl Korleoneni o‘ynashi mumkin edi, ammo aynan Al Pachino bu rol uchun tug‘ilgan.

Vivian roli — Sara Jessika Parker va Juliya Roberts

Ma'lum bo‘lishicha, dastlab Julia Roberts rol uchun asosiy da’vogarlardan bo‘lmagan: Disney studiyasi uni asosiy rolga olishni umuman xohlamaydi. Shu sababli Sandra Bullok, Vaynona Rayder, Dryu Berrimor, Sara Jessika Parker kabi o‘nlab boshqa aktrisalar ko‘rib chiqiladi.

Lekin ularning barchasi oxir-oqibat turli sabablarga ko‘ra rad etadi. Natijada unchalik ham nom chiqarmagan Roberts haqiqiy yulduzga aylandi.

Neo roli — Jonni Depp va Kianu Rivz

Jonni Depp va Kianu Rivzning ijod yo‘llari ko‘p marta kesishib o‘tgan va bunday voqealardan biri “Matritsa” bilan bog‘liq. Avvaliga Neo roli uchun tanlangan aktyor Depp edi. Hatto Warner Brothers kompaniyasi ham bunga rozi bo‘lmagan, rolni Bred Pitt o‘ynashini xohlagan. Lekin kompaniya oxir-oqibat rozi bo‘ladi va uni yollashga qaror qiladi.

Ammo Depp rad javobini berib, Rivzga o‘zini isbotlash imkoniyatini berdi. Endi esa ning o‘rnida boshqa birovni tasavvur qilish qiyin.

Rouz roli — Gvinet Peltrou va Keyt Uinslet

“Titanik”dagi Rouz haqida gapirganda hammaning ko‘z oldida Keyt Uinslet gavdalanadi. Gvinet Peltrou bu personajni gavdalantirishi mumkinligini tasavvur qilish qiyin.

Nega rad javobini berganligi so‘ralganda aktrisa aniq javob bermay, har qanday aktyor ba’zan noto‘g‘ri rollarni qabul qilishini va muvaffaqiyatli loyihalarni rad etishi mumkinligini ta’kidlagan xolos.

Maksimus roli — Mel Gibson va Rassell Krou

Gibsonning “Telba Maks" va “Sheryurak” filmlaridagi rollari orqali erishgan jasur yigit ampulasi va u allaqachon erishgan mashhurligini hisobga olsak, u Maksimus roli dastlab unga taklif qilingani ajablanarli emas.

Biroq aktyor ayrim sabablarga ko‘ra bu rolni rad etadi: u o‘zini juda ko‘p dinamik sahnalar uchun keksa deb bilishini tan oladi. Natijada Rassel Krou bosh rolga tayinlanadi va gladiator roli uni Gollivud yulduziga aylantiradi.

Jeyk Salli roli — Jeyk Jillenxol va Sem Uortington

Dastlab Mett Deymon va Jeyk Jillenxolga “Avatar” filmidagi bosh rol taklif qilingan. Biroq ularning rad etishi rejissor Jeyms Kemeronni xafa qilishdan ko‘ra mamnun qiladi.

U avvaliga o‘sha paytda hali tanilmagan avstraliyalik aktyor Sem Uortingtonni rolga munosib ko‘rganini tan oladi, lekin Fox studiyasi rahbarlarini tinchlantirish uchun rolni birinchi navbatda yuqori toifadagi yulduzlarga taklif qilishga majbur bo‘ladi, bu orqali esa taniqli aktyorlar tufayli kassa tushumlari ko‘payishi va bunday qimmat loyihaning risklarini qoplash kutilgan edi. Yuqoridagi aktyorlar rad etishganda esa rol tabiiy ravishda Semga qoldi, muvaffaqiyatli loyiha tufayli yana bir yulduz paydo bo‘ldi.