Mashhurlar qanday qilib ko‘p pul ishlashni hamda ularni sarflashni ham biladi. Biroq ular orasida tejamkorlikdan dars oladigani ham bor. Bugungi qahramonlar ham xuddi shunday. Ular arzon kiyimlar sotib oladi. Sotuvchilardan chegirmalar so‘raydi, jamoat transportidan foydalanadi hamda arzon mashinalar minadi.
Kianu Rivz
Gollivud aktyori Kianu Rivz pulni umuman ayamaydi, biroq bu xarid qilish yoki o‘yin-kulgi masalasiga tegishli emas. U halol ishlab topgan narsasini xayriyaga sarflaydi va o‘ziga uncha ko‘p mablag‘ sarflamaydi. Kianu Rivzni zamonaviy Robin Gudga qiyoslasa bo‘ladi.
Jennifer Lourens
Aktrisa Jennifer Lourens uyda mazali taom iste’mol qilishni afzal ko‘radi, chegirmali tovarlarni sotib oladi va uning garajida qimmatbaho sport mashinalari o‘rniga oddiy Volkswagen va Chevrolet avtomobillari bor. Jennifer Lourens hisobidagi millionlab dollarni aytmaganda oddiy, o‘rtahol yashaydigan aktrisa.
Leonardo Di Kaprio
Mablag‘ini tejaydigan insonlar qatorida shaxsiy oroliga ega bo‘lgan insonnni ko‘rish g‘alati. Shunga qaramasdan, Leoni ko‘p mablag‘ sarflaydigan inson deb bo‘lmaydi. Gollivud aktyori Leonardo Di Kaprio tabiatni asrovchi yulduzlardan biri hisoblanadi, u pulini qimmatbaho kiyimlar va mashinalarga sarflamaydi. Biroq u xayriya uchun pulni ayamaydi, aktyor hayvonlarni qutqarish uchun mablag‘ ajratadi.
Kira Naytli
Kira Naytli har tomonlama oddiy insonlarga yaqinroq bo‘lishga harakat qilmoqda, aktrisaning topayotgan mablag‘i bilan bu ishni bajarish qiyin emas. Gollivud aktrisasi o‘ziga oylik limit qo‘ygan, u bu miqdordan ko‘p pul sarflamaydi.
Kristian Beyl
Kristian Beyl o‘zi ijro etgan Betmen obrazidan farqli o‘laroq, hashamatli hayotga intilmaydi, u million dollarlab mablag‘ini xayriya ishlariga sarflaydi. Uning uchun yaxshi hayot — uyi, ovqat, suv va yaqin insonlarining borligi. “Agar uyimga o‘g‘ri bostirib kirsa, yig‘lab yuboradi”, — deb hazillashadi aktyor. U kinodagi faoliyati davomida “Oskar” mukofotini qo‘lga kiritgan.
Jennifer Garner
Jenniferga boylik kerak emas, u bozordan mahsulot sotib oladi va eng oddiy do‘konlardan kiyinadi. U ko‘chalarda hamrohsiz yuradi va qimmatbaho mashinalardan ko‘ra velosipedni afzal ko‘radi.
Sara Jessika Parker
Dunyoga mashhur aktrisa Sara Jessika Parker eri — aktyor Metyu Broderik va uch farzandi bilan juda kamtarona yashaydi. Boyligi 100 million dollarga yaqin bo‘lishiga qaramay, isrofgarchilikka yo‘l qo‘ymasligi bolaligi bilan bog‘liq: u katta oilada o‘sgan, uning hayoti, jumladan, oziq-ovqat, uy-joy va kiyim-kechak to‘g‘ridan to‘g‘ri ijtimoiy nafaqalarga bog‘liq edi. Shuning uchun aktrisaning bolalari uchun kiyimlarni kattadan kichikka o‘tkazish odatiy hol. Er-xotin narsalarni ham, pulni ham tejab ishlatadi.
Rene Zellveger
Hamma sevadigan “Brijit Jons” hashamatga ishtiyoqi baland bo‘lmagan Gollivud yulduzining ajoyib namunasidir. Rene Zellveger uy-ro‘zg‘or ishlarini o‘zi qiladi. Misol uchun, u elektr energiyasini iste’mol qilishni nazorat qiladi, supermarket va ixtisoslashtirilgan do‘konlarda chegirmali xaridlarni o‘tkazib yubormaydi. Bunday tejamkorlik tufayli u band bo‘lmagan ish jadvaliga qaram bo‘lmaslik uchun sayohatga borishi mumkin. Aktrisaning so‘zlariga ko‘ra, baxt buyumlarda emas, balki oddiy hayotning haqiqatan ham go‘zal bo‘lgan kichik narsalarida.
Izoh (0)