Ba’zi qizlar sayohat davomida olgan esdalik sovg‘alarini yig‘ishsa, boshqalari poyabzal uchun alohida xonalarni yaratadi. Quyida eng katta poyabzal kolleksiyasiga mashhurlar haqida ma’lumot beriladi.
Kayli Jenner
Yosh ona va ishbilarmon ayol Kayli Jenner nafaqat yangi liboslarni, balki chiroyli poyabzallarni ham namoyish qiluvchi obrazlarini ham muxlislariga taqdim etadi. Uning kolleksiyasida eng zamonaviy brendlar va turli ranglardagi oyoq kiyimlar: ekstravagant Valentino, Christian Louboutin va hatto 3D Balenciaga tuflisi mavjud.
Mashhur poyabzal garderobining umumiy qiymati qariyb bir million dollarga teng. Biroq u mashhur brendlardan yangi narsalarni sotib olishda va ijtimoiy tarmoqlarda ularni ko‘rsatishda davom etmoqda.
Kim Kardashyan
Kaylining opasi Kim Kardashyan eng zamonaviy poyabzallarning havas qiladigan kolleksiyasiga ega. Agar opa-singillar bu borada musobaqa o‘tkazadigan bo‘lsa, g‘olibni aniqlash juda qiyin bo‘lardi, chunki ularning ko‘p sonli poyabzal va etiklarini hisoblashning deyarli imkoni yo‘q. Kim Kardashyan tez-tez moda ko‘rgazmalarida qatnashadi, model ularning har biri uchun mashhur brendlardan: Dolce & Gabbana, Fendi va Mugler’dan poyabzal tanlaydi.
U har kuni qaysi poyabzalni tanlash kerak degan savolga duch keladi: o‘rtacha narxi 1200 dollar bo‘lgan Manolo Blahnik bosonojkalarinimi yoki u bilan taxminan bir xil narxdagi Bottega Veneta tuflilarinimi? Balensiaga — modelning garderobidagi sevimli brendlaridan biri, aynan u Kim Kardashyan kolleksiyasidagi eng noodatiy poyabzal brendi hisoblanadi. U o‘z sevimli brendini boshqasiga o‘zgartirmaydi, noqulay, shaffof poyabzal — ushbu poyabzallar allaqachon uning imidjining bir qismiga aylangan.
Sara Jessika Parker
Jurnalist Kerri Bredshou rolini o‘ynagan aktrisa o‘z qahramonga o‘xshashligini bir necha bor tan olgan – ularning ikkalasi ham “poyabzal”dan aziyat chekadi. Loyihada Kerri oxirgi pulini Manolo Blahnik ning mashhur bosonojkalarini xarid qilishga sarflaydi. Sara ham ajoyib oyoq kiyimlar kolleksiyasiga ega.
Biroq, hozirda u nafaqat hashamatli brend poyabzallarini sotib oladi, balki ularni o‘zi ham yaratadi. SJP poyabzal brendi o‘zining hamyonbop narxlari bilan mashhur: bir juft Calico oyoq kiyimini 265 dollarga sotib olish mumkin. Sara brendning tijorat qismiga e’tibor qaratmaydi, u ijodkorlikni qadrlaydi.
Dua Lipa
Xonanda 2023-yilda Met Gala’da esda qolarli oq libosda paydo bo‘ldi, shuningdek, u Versace moda uyining La Vacanza nomli qo‘shma kolleksiyasini namoyish etdi. Dua Lipaning poyabzal garderobiga Donatella Versace tomonidan yaratilgan poyabzal qo‘shilganligini taxmin qilish qiyin emas. Uning kolleksiyasi muntazam ravishda yangilanib turadi, bunga uning ijtimoiy hayoti va moda sanoatidagi faoliyati ta’sir qiladi.
Xonanda tez-tez Puma krossovkalarida ham ko‘rinish beradi, chunki Dua Lipa brend bilan hamkorlik qilgan. Biroq u har bir obrazini mos poyabzal bilan to‘ldiradi. Masalan, u “Barbi” filmining premyerasida ko‘pchilik orzu qiladigan uchli kumushrang zamonaviy oyoq kiyimda paydo bo‘ldi.
Opra Uinfri
Taniqli teleboshlovchi Opra Uinfrining poyabzallari haqida gap ketganda uni noodatiy modellarning muxlisi deb atash qiyin. Opra ko‘pincha lakonik krossovkalar yoki loferlarni tanlaydi.
Kunlarning birida u juda ko‘p poyabzali borligini tushunib yetdi va eBay’da savdo uyushtirdi. Eksponatlar orasida Ralph Lauren va Saint Laurent’ning eksklyuziv modellari bor edi. Opraning ko‘p million dollarlik daromadini hisobga olsak, u poyabzalga istaganicha mablag‘ sarflashini taxmin qilish oson. Har bir oyoq kiyim teleboshlovchiga o‘rtacha ming dollardan tushgan.
Rouzi Xantington Uaytli
Supermodel Rouzi Xantington Uaytlining har bir ko‘rinishi nafisligi va jozibadorligi bilan ajralib turadi. Rozi neytral rang sxemasini yaxshi ko‘radi, poyabzal va etiklarga alohida e’tibor beradi. Xantington Uaytli sarg‘ish rangli oyoq kiyimlarni, materiali ilon terisiga o‘xshaydigan etiklarni obraziga moslaydi. Modelning sevimli brendlari orasida Celine, The Row, Alaia bor.
So‘nggi paytlarda Rouzi Giaborghini poyabzalida ko‘rinish berib, to‘qilgan va o‘tkir uchli poyabzallarni tanlamoqda. Bunday oyoq kiyimning o‘rtacha narxi 388 dollarni tashkil qiladi. Havas qilgulik kolleksiyaga qaramay u turli xil ko‘ylaklar yoki shimlar bilan bir xil poyabzal kiyadi.
Elza Xosk
Shvetsiyalik modelning kolleksiyasida Bottega Veneta terri tuflilari, kumushrang Muglers, noodatiy to‘rtburchak Pradalar, klassik Saint Laurents va poshnali syurreal Loewe mavjud. Elza Xosk Gucci brendining Horsebit loferi bilan birgalikda oddiy, ammo ixcham liboslarni kiyishni yaxshi ko‘radi. Uning poyabzal garderobini katta miqdorda baholash mumkin, chunki har bir juft poyabzal unga yuz minglab dollarga tushgan.
Peris Hilton
Peris Hilton nafaqat yorqin liboslarning ajoyib kolleksiyasiga, balki ikki mingga yaqin poyabzal bo‘lgan garderobga ham ega. Biroq, so‘nggi paytlarda qo‘shiqchi klassik obrazlarni afzal ko‘rmoqda. Ulardan biri och pushti Chanel trikotaj kostyumi bo‘lib, unga moslab Peris brendning 1700 dollarlik poyabzallarini olgan.
Peris tashqi ko‘rinishi bilan qanchalik tajriba o‘tkazishga harakat qilmasin, uning kalta ko‘ylak va yorqin rangli oyoq kiyimlarga bo‘lgan muhabbatini hech narsa bilan taqqoslab bo‘lmaydi. U yorqin rangdagi kiyimlarni kiyishda davom etmoqda va obraziga qiymati 570 dan 950 dollargacha bo‘lgan yaltiroq Styuart Weitzman tuflilarini qo‘shmoqda.
Izoh (0)