Sara Jessika Parker — aktrisa, uslub timsoli va har doim hayotga pragmatik yondashuvi bilan ajralib turadigan ishbilarmon ayol. Bu yulduzning o‘z farzandlarini qanday tarbiyalashida ham aks etadi.
U moliyaviy barqarorlik tamoyillariga amal qiladi. Sara farzandlarining uning moliyaviy muvaffaqiyatiga bog‘liq bo‘lishini istamaydi. E-Newsʼga bergan intervyusida aktrisa farzandlaridan kutayotgan umidlari haqida ochiq gapirdi.
Parkerning taʼkidlashicha, u uchun farzandlarining nafaqat taʼlim olishi, balki barqaror daromad keltira oladigan kasbga ega bo‘lishi muhim. Chunki, uning fikricha, zamonaviy dunyoda moliyaviy mustaqillik — farovonlik garovidir. “Men ularning hayajonli va qiyin, mashaqqatli va yoqimli bo‘lgan narsalarga intilishlarini xohlayman. Ular oxir-oqibat o‘zlariga g‘amxo‘rlik qila olishlari, o‘zlarini hissiy va moliyaviy jihatdan qo‘llab-quvvatlay olishlarini xohlayman”, dedi Parker.
Eslatib o‘tamiz, aktrisa va uning turmush o‘rtog‘i Mettyu Broderik 30 yildan buyon birga yashaydi, ularning 22 yoshli o‘g‘li Jeyms Uilki va 15 yoshli egizak qizlari Tabita Xoj va Marion Loretta Elvell bor. Uilki allaqachon aktyorlik faoliyatida ilk qadamlarini qo‘ymoqda.
Izoh (0)