Gohida filmlardagi sizga eng yoqqan sahna rejissor yoki ssenariy muallifining ishi emas, balki improvizatsiya qilish yoki hatto ssenariyga o‘zgartirish kiritishga qaror qilgan aktyorlarning qarori bo‘lishi mumkin. AdMe nashri aktyorlarning fikri bilan ssenariysi o‘zgartirilgan va bundan katta foyda ko‘rgan kinokartinalar haqida ma’lumot berdi.
Kirsten Danst — “O‘rgimchak odam-2”
“O‘rgimchak odam-2” filmini suratga olish jarayonida prodyuserlar Kristen Danstdan tishlarining shaklini tuzatishni so‘ragan, chunki aktrisaning tishlari rejissorning mukammal tabassum haqidagi tasavvuriga mos kelmagan. Biroq Kristen Danst o‘zining tashqi ko‘rinishini har qanday go‘zallik standartlariga qaraganda ancha jozibali deb hisoblagan. Uning yaqin do‘stlari ham bu qarorni qo‘llab-quvvatlagan.
Kianu Rivz — “Jon Uik”
“Jon Uik” kinokartinasining asl ssenariysida bosh qahramon 75 yoshda bo‘lgan va rejissor bu rolga Klint Istvud yoki Xarrison Fordni taklif qilmoqchi edi. Biroq u Kianu Rivz bilan uchrashgandan so‘ng, bu aktyor obrazni hammadan yaxshiroq o‘ynashini tushunib yetdi. Rivz hatto o‘z qahramonini o‘rta yoshli insonga aylantirish uchun ssenariyni tahrirlashda ham qatnashgan.
Dueyn Jonson — “Shazam” va “Qora Adam”
Dueyn Jonson “Shazam” va “Qora Adam” kinokartinalarini yaratishda katta rol o‘ynadi. Prodyuserlar dastlab ikkala qahramon birga paydo bo‘ladigan filmni yaratishni rejalashtirishgan. Biroq Jonson ssenariyni o‘qib chiqqach, bunday g‘oya ish bermasligini darhol anglagan. U prodyuserlarga qo‘ng‘iroq qilib, ularni bu superqahramonlar alohida film qilishga loyiq ekanini ishontirdi. Uning fikricha, bu qahramonlarning taqdirini faqat komiks muxlislari bilgan, shuning uchun keng auditoriyaga ularning har biri haqida batafsilroq hikoya qilish kerak edi.
Jin Xekmen — “Supermen”
Rejissor Richard Donner 1978-yilda “Supermen” filmidagi yovuz Leks Lyutor roliga Xekmanni tanladi. U komikslarda kal qilib ko‘rsatilgan bo‘lsa ham, Xekman sochini oldirishdan yoki soxta kal bo‘lishdan butunlay bosh tortdi.
Umumiy fikrga kelishning iloji bo‘lmagani uchun rejissor vizajistlardan Jinning sochlarini xuddi boshida parik bordek qilib ko‘rsatishlarini so‘radi. Leks Lyutor film oxirida, qamoqqa tashlanganida kal bo‘ladi.
Sara Jessika Parker — “Bo‘sh”
Sara Jessika Parkerga “Bo‘sh” filmidagi Rasti rolini taklif qilishadi, bu uning kattalar filmidagi birinchi roli bo‘lsa ham, uni rad etadi.
Prodyuserlar uning sochini kesib, qizil rangga bo‘yashini xohlaydi va u oxirgi suratga tushgan filmidan keyin uni o‘stirishga muvaffaq bo‘ladi va qizil rang unga umuman mos kelmaydi. Shundan keyin prodyuserlar rolni boshqa aktrisaga, ya’ni Treysi Nelsonga beradi.
Biroq suratga olish ishlari boshlanganda rejissor Treysi o‘z ishini bajara olmayotganini tushundi va Sara Jessikani esladi. Loyiha ijodkorlari unga qo‘ng‘iroq qiladi va ertasi kuni suratga olish jarayonlariga kelishini so‘raydi. Aktrisa rozi bo‘ladi, biroq birdaniga sochini kesmasligini aytadi. Prodyuserlar bu muhim emasligini bildiradi va Parker aktyorlik karyerasiga katta ta’sir ko‘rsatadigan rolini ijro etadi.
Kerri Fisher — “Yulduzlar jangi”
“Yulduzlar jangi” filmi franshizasida malika Leya rolini ijro etgan Kerri Fisher o‘zining “Malika Leyaning kundaligi” nomli filmni suratga olish chog‘ida boshidan kechirganlari haqida gapirib bergan. Aktrisa ozg‘in bo‘lishiga qaramay, film prodyuserlari uning yana 5 kg vazn yo‘qotishini istagan va hatto uni vazn yo‘qotish lageriga jo‘natgan.
U ishdan bo‘shatilishidan qo‘rqqan bo‘lsa-da, bir kilogramm ham vazn yo‘qotmadi va loyiha go‘zal Malika Leya tufayli baribir mashhur filmga aylandi.
Xarrison Ford — “Amerika graffiti”
“Amerika graffiti” yozgi ta’tilning so‘nggi kechasida shahar bo‘ylab avtomashinada sayr qilishga qaror qilgan o‘smirlar haqidagi film. Filmda Xarrison Ford rol o‘ynagan. U shahardagi eng yaxshi ko‘cha poygachisiga qarshi kurashadigan yigit rolini o‘ynagan. Filmdagi voqealar 60-yillarda bo‘lib o‘tadi va barcha aktyorlarning soch turmagi o‘sha davrga moslab qilingan. Biroq mish-mishlarga ko‘ra, Ford o‘zining roli juda kichik bo‘lgani uchun sochini oldirishdan bosh tortgan, shuning uchun uning qahramoni kovboylarning shlyapasini kiygan.
Dueyn Jonson mashg‘ulotlarni to‘xtatish va vazn yo‘qotishdan bosh tortgan
Dueyn Jonson Gollivud studiyasi rahbarlarining maslahatini qabul qilishdan bosh tortgan, ular aktyorga kinolarda muvaffaqiyat qozonish uchun ozg‘in bo‘lishni va mashhur taxallusdan voz kechishi kerakligini aytgan. U Gollivudning go‘zallik me’yorlariga rioya qilmaslikni va birinchi navbatda o‘ziga sodiq qolishni tanladi.
— Ular “Ajoyib, lekin nimadir qilish kerak. Siz juda og‘ir mashg‘ulotlarni to‘xtatishingiz, vazn yo‘qotishingiz kerak. Shuningdek, o‘zingizni Rok deb nomlashni bas qiling”, deyishdi. Bularning barchasini tinglab, men o‘z tanlovimni qildim. Gollivudga moslashmaslikka qaror qildim, Gollivud menga moslashsin”, — deydi aktyor.
Izoh (0)