Moliyaviy ahvoli havas qilsa arzigulik ekaniga qaramay, pullarni havoga sovurmaydigan va oddiy hayot kechirishni afzal ko‘radigan mashhurlar haqida ma’lumot berib o‘tamiz.
Bill Geyts
Dunyoning eng badavlat kishisi bo‘lishiga qaramay Bill Geyts oddiy hayot kechirishni ma’qul biladiganlardan. Milliarder ekaniga qaramay, burger sotib olish uchun navbatda turgan Geytsning surati bir necha daqiqalar ichida ijtimoiy tarmoqlarga tarqalib, kun mavzusi bo‘lgan. Ammo bu Microsoft asoschisi atrofdagilarga yaxshi o‘rnak bo‘lgan yagona holat emas.
“Men har kuni kechasi idish yuvaman. Bu ishga da’vo qiluvchilar yetarlicha, ammo o‘zimga bu ishning uddasidan hammadan yaxshiroq chiqayotgandek tuyuladi”, — deydi u.
Sara Mishel Geller
Aktrisa oddiy hayot kechirishi bilan yaxshi ma’lum. Umumiy daromadi 30 million dollarni tashkil qilishiga qaramay, Sara har bir chaqaning qadriga yetadi va o‘ylab ishlatadi.
“Narxning arzonligi sifatning yomonligini bildirmaydi. Yana men hamisha kuponlarni kesib olaman”, — deydi u.
Kianu Rivz
Kianu ham kamtarlik borasida hamkasblaridan qolishmaydi: jamoat transportidan foydalanadi, uy sotib olmaydi, oddiy kiyim kiyadi, ko‘p vaqtini mehmonxonada o‘tkazadi hamda yo‘l bo‘yidagi kafelardan gamburger iste’mol qiladi. Aktyor tarjimayi holidagi eng ta’sirli voqea – bu uysiz odamning yonida o‘tkazgan kuni edi. Kianu uni gamburger va ichimlik bilan mehmon qilib, suhbatlashgan. Shu tarzda aktyor yulduzlik kasaliga chalinmaganini yana bir bora isbotlagan.
Jennifer Lourens
Mahsulotlarni chegirma bilan sotib olishga yordam beradigan kuponlardan foydalanadigan yana bir yulduz. Jennifer hech qachon mehmonxona barlaridan buyurtma qilmaydi. Chunki narxlar do‘konga nisbatan ancha qimmatligini biladi. U ko‘proq chegirmalar izlab, do‘kon aylanadi, Ikea kompaniyasiga mebellar buyurtma qiladi va bir necha yil avval sotib olgan Volkswagen mashinasini boshqaradi.
Kira Naytli
38 yoshli Kira har yili o‘zining xarajatlari uchun ma’lum summani belgilaydi. Masalan, 2020-yilda bu 50 ming dollarni tashkil etgan. Bundan tashqari, uning turmush o‘rtog‘i Jeyms Rayton bilan ham nikoh to‘yi juda kamtarona tarzda nishonlangan. Kira to‘yda kiygan oq libosini keyinchalik boshqa tadbirlarda ham kiyganini ko‘rish mumkin.
Sara Jessika Parker
Sara yoshligidanoq pul tejashga odatlangan. O‘qituvchi va yuk mashinasi haydovchisi oilasida qimmat narsalar haqida o‘ylash imkoniyati yo‘q edi. Mashhur aktrisa hanuzgacha daromadining har bir chaqasini tejaydi va farzandlarini ham bunga o‘rgatadi. Shuningdek, u qimmatbaho restoran taomlaridan ko‘ra, uyda pishirilgan ovqatlarni ma’qul ko‘radi.
Izoh (0)