Millionlab odamlar mashhurlikka erishish uchun qo‘ldan kelgancha harakat qiladi. Ammo muvaffaqiyat hammaga ham nasib etmaydi. Kimlardir buni yaxshi uddalaydi va mashhurlik ortidan moliyaviy imperiyalar qurishga ham erishadi. Harper’s Bazaar nashri yosh yoki boshqa soha vakili bo‘lishiga qaramay, biznes olamida yutuqqa erishgan mashhurlar haqda so‘z yuritdi.
Kim Kardashyan
Kardashyanlar oilasining katta farzandi 2014-yilda Hollywood nomli pulli mobil o‘yini taqdimotidan keyin biznesdagi birinchi muvaffaqiyatiga erishdi. Besh kun ichida ilova Kim uchun 1,6 million dollar daromad keltirdi. Uch yil o‘tgach, Kardashyan KKW Beauty va KKW Fragrance kosmetik brendlarini chiqarishga qaror qildi, ular hozirda 1 milliard dollarga baholanmoqda.
Keyt Xadson
Filmga suratga tushishdan to‘plangan kapitaldan Keyt Xadson sport kiyimlari liniyasini rivojlantirishga qaror qildi. Yulduzning pullari brendning onlayn holatdan chiqib ketishiga imkon berdi, natijada bir vaqtning o‘zida 25 ta chakana savdo do‘konini ochishga erishdi.
Sara Jessika Parker
Sara va u gavdalantirgan mashhur qahramon Kerri Bredshou orasida aqlbovar qilmaydigan umumiy jihatlari bor — bu poyabzalga cheksiz muhabbat. Filmga suratga tushish bilan bir qatorda Parker Dubay, Las-Vegas va Nyu-Yorkda butiklar ochib, brend poyabzallarni sotishga qaror qildi. Aktrisaning biznesi hozirda 150 000 000 dollarga baholanmoqda.
Opra Uinfri
Opraning biznesni boshlashdagi fikrlash tarzi boshqa mashhurlardan farqli bo‘lgani uchun ham OWN kabel tarmog‘ini ishga tushirdi. Albatta, teleboshlovchi bu bilan to‘xtamadi va ko‘chmas mulkka sarmoya kiritishda davom etdi. Bugungi kunda uning boyligi 3 milliard dollarga baholanmoqda.
Bu qaror aktrisa uchun suratga tushish jarayonini to‘xtatishga sabab bo‘lmadi. Bundan tashqari, Jessikaning ona bo‘lishi ekologik toza bolalar mahsulotlari ishlab chiqaruvchi The Honest Company kompaniyasini yaratishga ilhomlantirdi. Endi Alba o‘zini nafaqat muvaffaqiyatli ayol, balki jamiyat uchun ham foydali inson deb biladi.
Jessika Simpson
Katta o‘lchamdagi zamonaviy kiyimlar tikuvchi korxonaga ham talab katta bo‘ldi. Jessika o‘z biznesidan yiliga 1 milliarddan daromad oladi va shu bilan birga o‘z mijozlarining ehtiyojlarini qondiradi.
Tayra Benks
Tayraning yillar davomida olgan qimmatli bilimlari o‘zining Bankable Productions ishlab chiqarish kompaniyasi va Fierce Capital investitsiya firmasini boshqarish imkonini berdi.
Kayli Jenner
Kaylining ismini Forbes ro‘yxatida ko‘rish odatiy holga aylangan. Kylie Cosmetics liniyasi ishga tushirilgandan so‘ng uning akkauntidagi nollar soni keskin ortib, yosh Kardashyanni milliarderga aylantirdi.
Riz Uizerspun
Aktrisa turli sohalarga sarmoya kiritib, o‘z kapitalini yildan yilga oshirishga erishdi. 2016-yilda aktrisaning aktivlari Hello Sunshine media kompaniyasini ochishga imkon berdi. Ushbu ajoyib biznes ayollar boshchiligidagi ijodiy loyihalarni qo‘llab-quvvatlashga qaratilgan.
Izoh (0)