O‘zbekiston Interpol Milliy markaziy byurosi xalqaro qidiruvda bo‘lgan jinoyatchi ayolni BAAdan chiqarib yubordi. Bu haqda Interpolning O‘zbekistondagi Milliy markaziy byurosi xabar berdi.
Maʼlum qilinishicha, jamoat tartibiga qarshi jinoyat sodir etganlikda ayblanayotgan shaxs BAAdan chiqarib yuborildi.
Tezkor tadbirlar natijasida qidiruvdagi M.K.ning iziga tushildi va uning Birlashgan Arab Amirliklari hududida ekani tasdiqlandi.
BAA vakolatli organlarining ijobiy qaroridan so‘ng, jinoyatchi ayol Amirliklar migratsiya politsiyasi xodimlari kuzatuvida deportatsiya qilindi va Toshkent xalqaro aeroportida javobgarlikka tortish maqsadida O‘zbekiston Interpol Milliy markaziy byurosi xodimlariga topshirildi.
Izoh (0)