Interpol “dunyodagi eng ko‘p qidiruvda bo‘lgan kontrabandachi”, eritreyalik qochoqni Sudanda qo‘lga oldi. Bu haqda Al Jazeera xabar berdi.
Kontrabandachi Kidane Zekarias Habtemariam Birlashgan Arab Amirliklari (BAA) rasmiylari bilan hamkorlikda hibsga olingan. U Liviyadagi lagerni boshqargan kontrabanda rahbari sifatida ayblanmoqda. Lagerda Yevropaga borishga intilgan yuzlab sharqiy afrikalik muhojirlar o‘g‘irlangan va zo‘rlangan.
Efiopiya va Niderlandiyadan Interpolning ikkita qizil bildirishnomasini olgan Habtemariam 1-yanvar kuni Sudan politsiyasi tomonidan BAA rasmiylari bilan kelishilgan holda hibsga olingan. Interpol ma’lumotlariga ko‘ra, 2019-yildan beri Interpol qidiruvida bo‘lgan eritreyalik kontrabandachi “muhojirlarga shafqatsiz va zo‘ravonlik bilan munosabatda bo‘lgani” ortidan shuhrat qozongan.
“Biz hozirda Eritreya, Efiopiya, Somali va Sudandan minglab muhojirlarni noqonuniy ravishda Liviya orqali Yevropaga olib o‘tayotgan eng muhim odam savdosi yo‘llaridan birini yopdik”, — dedi BAA ichki ishlar vazirligi rasmiysi Said Abdulloh al-Suvaydiy.
Eritreyalik endi BAAda pul yuvish aybi bilan sudlanadi, shundan keyin uni ekstraditsiya qilish imkoniyati ko‘rib chiqiladi.
Habtemariam 2020-yilda Efiopiyada hibsga olingan, biroq bir yildan keyin hibsdan qochib ketgan va keyinchalik sirtdan umrbod qamoq jazosiga hukm qilingan. U Liviyaning Bani Valid shahridagi omborlarni boshqargan va odamlarni tovlamachilik va qiynoqqa solish bilan shug‘ullangan.
Izoh (0)