Prezident qaroriga ko‘ra “O‘zbekiston qayta sug‘urta kompaniyasi” milliy qayta sug‘urta tashkiloti tashkil etiladi.
23-mayda imzolangan “Mamlakatimizda qayta sug‘urta tizimini yanada takomillashtirish chora-tadbirlari to‘g‘risida”gi prezident qaroriga ko‘ra, qayta sug‘urta tizimini 2025-yilda yanada takomillashtirishning asosiy maqsadlari etib quyidagilar belgilandi:
- milliy qayta sug‘urta bozori hajmini 4 trillion so‘mga yetkazish;
- qayta sug‘urta xizmatlari eksportini kamida 30 foizga oshirish;
- xalqaro hamkorlikni kengaytirish va qayta sug‘urta sohasiga jalb qilinadigan investitsiyalar hajmini 150 milliard so‘mgacha oshirish.
Qarorga ko‘ra, “O‘zbekiston qayta sug‘urta kompaniyasi” milliy qayta sug‘urta tashkiloti sug‘urta faoliyati to‘g‘risidagi qonunchilikka muvofiq barcha qayta sug‘urta qilish turlarini amalga oshiradi.
Xorijiy va mahalliy investorlarning respublika iqtisodiyotiga kiritadigan to‘g‘ridan to‘g‘ri va portfel investitsiyalarining hamda investitsiya loyihalari bo‘yicha tavakkalchiliklarning kompleks qayta sug‘urta himoyasini ta’minlaydi.
Milliy qayta sug‘urta tashkiloti — bu sug‘urta kompaniyalarining o‘z zimmasiga olgan yirik yoki yuqori xavfli risklarni boshqa sug‘urta tashkilotlariga, ya’ni qayta sug‘urtalovchilarga topshirish orqali risklarni taqsimlash va moliyaviy barqarorlikni ta’minlashga xizmat qiluvchi muhim institutsional tuzilma hisoblanadi.
Izoh (0)