Samarqand viloyatining Kattaqo‘rg‘on tumani, “Qo‘shtepa” MFYda joylashgan avtomobillarga yoqilg‘i quyish shoxobchasida 7-may kuni soat taxminan 15:06 larda yong‘in sodir bo‘ldi. Bu haqda Sanoat, radiatsiya va yadro xavfsizligi qo‘mitasi axborot xizmati xabar berdi.
Maʼlum qilinishicha, yong‘in AYQSHning hovlisida “ZIL” avtomashinasiga yoqilg‘i quyish vaqtida sodir bo‘lgan.
Dastlabki maʼlumotlarga ko‘ra, chaqnash natijasida 2 nafar fuqaro vafot etgan.
Yana 1 nafar fuqaro tan jarohati bilan tibbiyot birlashmasiga yotqizilgan.
Farg‘ona shahar, “Yangiyo‘l” MFY, Ahmad Yassaviy ko‘chasida joylashgan, ko‘p yonilg‘ili AYQSH va AGQSH shoxobchasida portlash va yong‘in 17-dekabr kuni sodir bo‘lgandi. Suyultirilgan gaz to‘kish vaqtida texnologik jarayonlarning buzilishi hamda texnika xavfsizligi qoidalariga rioya qilinmasligi oqibatida chaqnash sodir bo‘lgan, undan so‘ng yong‘in yuzaga kelgan.
Baxtsiz hodisalardan qanday himoyalanish mumkin?
Baxtsiz hodisalardan to‘liq himoyalanish mumkin emas, lekin xavfni kamaytirish va o‘z xavfsizligingizni oshirish juda muhim. Buning uchun quyidagi choralarni ko‘ring:
Birinchi o‘rinda — sug‘urta polisi oling. Bu moliyaviy xavfdan himoyalanishning samarali usulidir. Uy, mashina va sog‘liq uchun sug‘urta orqali baxtsiz hodisalarning iqtisodiy zararini yengillatish mumkin. Sug‘urta kompaniyasiga oid axborotlar bu yerda.
Ogoh bo‘ling: Qayerda bo‘lsangiz ham atrofingizdagi vaziyatni kuzating. Baxtsiz hodisalar ko‘pincha befarqlik yoki e’tiborsizlik sababli sodir bo‘ladi.
Bilim va ko‘nikmalarni oshiring.
Birinchi yordam ko‘rsatish bo‘yicha bilimlarni egallang, yong‘inga qarshi kurashish qoidalari va boshqa xavfsizlik bo‘yicha qo‘llanmalarni o‘qing. Uyda xavfsizlikni maksimal ta’minlang — tutun datchiklari va o‘t o‘chirgichlarga hozirlang.
Nosoz elektr simlari va qurilmalardan saqlaning. Atrofni kuzating: piyoda bo‘lsangiz, faqatgina telefonga emas, balki atrofga ham qarab yurishga harakat qiling. Yo‘l harakati qoidalariga rioya qiling.
Izoh (0)