Har birimiz o‘z hayotimiz va mol-mulkimizni himoya qilishni istaymiz. Ammo ko‘pchilik sug‘urta qilishni ortiqcha xarajat sifatida baholaydi. Bu esa xavfsizlikka nisbatan xato yondashuv bo‘lishi mumkin.
Bugungi kunda transport vositalari egalarining fuqarolik javobgarligini majburiy sug‘urta qilish polisi Toshkent shahri va Toshkent viloyati uchun atigi 56 000 so‘m, boshqa hududlarda 40 000 so‘mdir. Bu mablag‘ bir yillik himoya uchun juda kam, ayniqsa, yo‘l-transport hodisalari oqibatida yetkaziladigan zararlar fonida.
Hozirgi kunda avtosug‘urta bo‘yicha maksimal sug‘urta qoplamasi 40 mln so‘mni tashkil etib, shundan 14 mln so‘mi avtomobilni ta’mirlashga, 26 mln so‘mi tan jarohatlari bilan bog‘liq xarajatlarni qoplab berishni nazarda tutadi.
Biroq oddiygina bamper zarbasini ta’mirlash narxi hamyonbop variant maqomiga ega mashinalar uchun 500 ming so‘mdan, xorijiy markalar uchun 5 mln so‘mdan boshlanishini hisobga olsak, hozirgi tovon puli yetarli emasligi ayon bo‘ladi.
O‘zingiz o‘ylab ko‘ring, bitta mashina “moyka”si uchun 100 ming so‘mdan o‘ylamay voz kechib yuboramiz. Bir oyda kamida 3-4 marta mashinasini yuvdiradiganlar ham bor oramizda. Lekin sug‘urtaga kelganda pul to‘lashga og‘rinadiganlar ham oramizda yo‘q emas.
Sug‘urta bu shunchaki va’da emas, balki zarur holatda moliyaviy yordamdir. YTHda jabrlangan inson ruhiy va moddiy zarar ko‘radi. Shu moddiy zararni yana cho‘ntagidan to‘lamasligi uchun sug‘urta qoplamasi miqdorini yetarli darajaga yetkazish vaqti kelmadimikin?
Izoh (2)
mafaqat 40 minglik sug‘urta balki avto kredit olganda millonlarga qilinadigan sug‘urta ham hech qanaqa pul bermayabdi shuning uchun ham eng katta oylik sug‘urta sohasida
бу мажбурий суғурта ўзи умуман керак эмас, сабаби на жабрланган, на айбдор суғурта пулини ололмайди бюрократик жараёнлар ўта қийинлиги учун.