2025-yil may oyida faqatgina sug‘urta kompaniyalariga xalqaro reytinglar berish va baholashga ixtisoslashgan “A.M. Best Company Inc.” (AQSH) xalqaro reyting agentligi “O‘zbekinvest” eksport-import sug‘urta kompaniyasi" aksiyadorlik jamiyati auditi natijalari bo‘yicha matbuot axborotini eʼlon qildi.
Bunda, “A.M. Best” agentligi “O‘zbekinvest”ning moliyaviy barqarorlik reytingini (FCR) “B” darajasida va emitentning uzoq muddatli kredit reytingini (ICR) “bb” darajasida tasdiqladi va ikkala reyting bo‘yicha ham prognozni “Barqaror” deb belgiladi.
“A.M. Best” taʼkidlashicha, kuchli kapitallashtirish va kapital yetarliligi koeffitsiyentini maksimal baholashga asoslangan balansning yuqori barqarorligi, aktivlarni “AAA” kredit reytingiga ega xalqaro bozorlarda joylashtirishni nazarda tutilgan konservativ investitsiya siyosati, shuningdek, risklar tahlilini takomillashtirishi bilan birgalikda, anderrayting natijalarini sezilarli darajada yaxshilash imkonini berdi.
Shunday qilib, 2023-yil yakuniga ko‘ra, birlashtirilgan koeffitsiyent 85 foizni tashkil etdi. Ko‘rsatib o‘tilgan omillar yalpi mukofotdagi ulushi 60 foizga yetgan kiruvchi qayta sug‘urtaning rivojlanishi bilan birgalikda “O‘zbekinvest” kompaniyasining O‘zbekiston sug‘urta bozorida yetakchi o‘rinni egallashini taʼminladi.
“A.M. Best Company” tomonidan xalqaro reyting darajasining tasdiqlanishi kompaniyaning yuqori darajadagi kreditga layoqatliligidan dalolat beradi va uning xalqaro sug‘urta va qayta sug‘urta bozorlarida faoliyatini faol ravishda oshirish uchun sharoit yaratadi.
Taʼkidlash joizki, “O‘zbekinvest” kompaniyasi bugungi kunda “A.M. Best Company Inc” xalqaro reyting agentligining ushbu darajadagi reytingiga ega bo‘lgan respublika moliya sohasidagi birinchi va yagona tashkiloti hisoblanadi.
Shu bilan birga, “O‘zbekinvest” kompaniyasi xalqaro reyting agentliklarining kuchli uchligiga kiruvchi “Moody‘s Investors Service” (AQSH) xalqaro reyting agentligining “Barqaror” prognozi bilan “Ba2” darajasiga ega. Ushbu darajadagi reyting O‘zbekiston bank va sug‘urta sohasi tashkilotlari orasida eng yuqorisidir.
Call-markaz: (+998) 71−207−60−00, 1160.
Sayt: insurance.uz
Facebook: uzbekinvest
Instagram: uzbekinvest
Telegram: uzbekinvest
Reklama huquqi asosida.
Izoh (0)