“Jeki” (2016)
AQShning birinchi xonimi, kiyinish borasida timsol hisoblangan Jaklin Kennedi haqidagi mazkur filmda Natali Portman bosh qahramon rolini ijro qilgan. Syujet markazida Amerika tarixidagi fojia — prezident Kennedining o‘ldirilishi yotadi. Tomoshabinlar yuz bergan hodisalardan keyin Jaklinning nimani his qilgani va o‘zini qanday tutgani bilan bog‘liq tasavvurga ega bo‘ladi.
“Koko de Shanel” (2009)
Mazkur film Odri Totu arsenalidagi “Emili Parijda” singari eng yaxshi filmlardan biri sanaladi. U moda olamida o‘z o‘rniga ega bo‘lgan dizaynerning hayoti haqida hikoya qiladi. Syujetda Kokoning hali mashhurlikka erishishidan avval, shunchaki Gabriel Shanelligidagi voqea-hodisalarga urg‘u beriladi. Muxlislar mazkur filmda mahoratli aktrisa ijrosidan tashqari, go‘zal manzara, interyer va kostyumlarni ko‘rishi mumkin bo‘ladi.
“Diana: sevgi hikoyasi” (2013)
Film “qalblar malikasi” Diana haqida hikoya qiladi. U malikaning so‘nggi sevgisi, 36 yashar kardiojarroh bilan bog‘liq voqealarni o‘zida aks ettiradi.
“Raqqosa” (2006)
Lyumer va Tuluz-Lotreklarning ilhom parisi bo‘lgan Loining hayoti Aysedora Dunkanni uchratmaganida tamoman boshqacha bo‘lishi mumkin edi. Stefani Di Justoning mazkur kartinasi “Kann” festivalida hakamlar tomonidan e’tirof etilgan bo‘lib, uni tomosha qilish bir olam emotsiyaga ega bo‘lishga hissa qo‘shadi.
“Temir xonim” (2011)
Kartina eng mashhur siyosatchilardan biri Margaret Tetcher hayoti haqida hikoya qiladi. Finchli okrugidan faoliyatini boshlagan Tetcher, butun hayotini siyosatga bag‘ishlaydi. Film “temir xonim”ning bolaligidan keksalikkacha bo‘lgan eng qiziq voqealarni o‘z ichiga oladi.
“Sufrajist” (2015)
Film XX asr so‘ngida ayollar haq-huquqlari uchun kurashib ularning saylovda ovoz berish huquqini qo‘lga kiritishga muvaffaq bo‘lgan sufrajist ayollar haqida hikoya qiladi. Helena Bonem-Karter, Meril Strip va Keri Malligan jamiyatda o‘z o‘rniga ega bo‘lish uchun qiyinchiliklarni boshdan kechirgan, ammo ortga chekinmagan qahramonlarni gavdalantirgan.
“Xonim” (2011)
2011-yilda fransuz rejissori Lyuk Besson tomonidan suratga olingan filmda, 1991-yildagi Nobel mukofoti laureati, siyosat arbobi Aun San Su Chjining oddiy bo‘lmagan taqdiri haqida hikoya qilinadi. Film syujeti 40-yillar, Birmada mustaqillik uchun qonli urushlar bo‘lgan vaqtdan boshlanadi. Otasi mazkur urushda o‘ldirilgan Aun, voyaga yetgach o‘qish uchun Angliyaga ketadi. Birmaga qaytish vaqti kelguniga qadar to‘kin-sochin hayot kechiradi.
“Pushti rangdagi hayot” (2007)
Akrobat va aktrisa oilasida dunyoga kelgan Edit Piyafni onasi uni, go‘dakligida tarbiyalash uchun ota-onasiga tashlab ketadi. Olti yoshigacha ko‘zlari ko‘rmagan, muhtojlikda hayot kechirgan Edit, tirishqoqligi va iste’dodi bilan orzularini amalga oshirish hamda sahnaga chiqishga muvaffaq bo‘ladi. Film millionlab qalblarni zabt etgan ayolning biografiyasi haqida.
“Jin” (2016)
Film Yangi Zelandiya buyurtmasiga binoan uchuvchi ayol Jin Batten haqida suratga olingan. Bolaligidan maqsadlari tomon intilgan Jin, bir necha marta rekord o‘rnatishga muvaffaq bo‘ladi.
“Mariya Kyuri” (2016)
Polshada tug‘ilib, Fransiyaga ko‘chib ketgan Mariya, turmush o‘rtog‘i Pyer bilan birga butun hayotini fizika va kimyoga bag‘ishlagan. Pyer va Mariya ruda tarkibida hali fanga ma’lum bo‘lmagan radioaktiv elementlar mavjudligini aniqlagan. Baxtsiz voqea Pyerning hayotdan ko‘z yumushiga sabab bo‘lgan.
Izoh (0)