Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.
Aktrisa Yulduz Rajabova Navoiy viloyatidagi o‘zi tug‘ilib o‘sgan qishloqqa 4 yil deganda tashrif buyurdi.
Yevropa bo‘ylab sayohat qilayotgan aktrisa Luiza Rasulova muxlislariga Italiyaning Rim shahridan ko‘rinish berdi.
O‘zbekiston xalq artisti Og‘abek Sobirov ustoz san’atkor Bobomurod Hamdamovni yo‘qlab uning uyiga bordi.
Xonanda Hulkar Abdullayeva tug‘ilajak farzandi bilan diydor onlarini intiqlik bilan kutayotganini ma’lum qildi.
O‘zbekistonda xizmat ko‘rsatgan artist Tohir Sodiqov bloger Jahongir Latipovga intervyu berdi. Xonanda suhbat davomida kunlik daromadi qancha ekanligi haqidagi savolga ham javob berdi. Tohir Sodiqovning aytishicha, uning Toshkentdagi “birrovi” narxi 2000 dollar.
Vayner Liil Xurramov Asal Shodiyeva bilan hamkorlikda 25-mayga yangi vayn suratga olmoqda.
Kann kinofestivalida ishtirok etayotgan bloger Maryam Tillayeva kuzatuvchilariga qiziqarli videolarni tayyorlamoqda. Kinofestival doirasidagi tadbirlardan birida Maryam Gollivud yulduzi Natali Portmanni uchratib qoldi.
Bollivud yulduzi Ayshvariya Ray Kann kinofestivalida ishtirok etmoqda.
Xonanda Yulduz Turdiyeva ayrim hollarda turmush o‘rtog‘iga ikkinchi xotin olishni taklif qilishini aytib o‘tdi. “Vaqtida issiq ovqatini qilib bera olmayman, kiyimlariga qaray olmayman, shunday paytlarda ayblarimni yuvish uchun ikkinchi xotinga uylansangiz-chi, deyman”, — deydi xonanda.
O‘zbekiston xalq artisti Muqaddas Xoliqovaning turmush o‘rtog‘i Adham Xoliqov vafot etdi.
Yosh aktrisa Dilshoda Rustamjonova turmushga chiqmoqda.
Komik aktyor Dilshod Mirzamurotov rossiyalik taniqli xonanda Valeriy Meladze bilan tushgan suratini sahifasiga joyladi.
Komadan so‘ng sekin-astalik bilan o‘ziga kelayotgan xonanda Zohid Risqiyev o‘g‘li Jibriil bilan tushgan videosini sahifasiga joyladi.
O‘zbekistonda xizmat ko‘rsatgan artist Rashid Xoliqov rafiqasi bilan to‘ylarining 30 yilligini nishonlamoqda.
Ozoda Nursaidova yangi konsert dasturidagi obrazlari uchun 30 ming dollar sarflagani haqida so‘zlab berdi.
Taniqli boshlovchi Dildora Rustamova sahifasiga “Mehrobdan chayon” filmi syomka jarayoni aks etgan suratni joyladi hamda ushbu filmda singlisi ham rol ijro etgani haqida so‘zlab berdi.
Izoh (0)