Xitoylik olimlar “Tyangong” kosmik stansiyasi bortida koinotdagi og‘ir sharoitlarga bardosh bera oladigan noyob xususiyatlarga ega yangi bakteriyani aniqladilar. Tadqiqot natijalari International Journal of Systematic and Evolutionary Microbiology jurnalida e’lon qilindi.
Bakteriyaga Niallia tiangongensis deb nom berildi va u uzoq muddatli parvozlar sharoitida mikrob faolligini kuzatish uchun stansiya uskunalari yuzasidan ajratib olindi. Bu bakteriya tuproqda, oqava suvlarda va hatto inson ichagida uchraydigan Yerdagi Niallia circulans bakteriyasiga yaqin ekani aniqlandi. Biroq uning kosmik turi radiatsiya va stressga chidamlilikni oshiradigan bir qator o‘zgarishlarga ega.
Tadqiqotchilarning ta’kidlashicha, Niallia tiangongensis jelatinni parchalash qobiliyatiga ega va bioplyonka hosil qilish xususiyati kuchaygan — bu cheklangan resursli muhitda yashab qolish uchun muhimdir. Ushbu xususiyatlar bakteriyani ham kosmik tibbiyot sohasida, ham Yerda, jumladan qishloq xo‘jaligi va biotexnologiyada qo‘llash uchun kelajakda o‘rganishga arzigulik obyektga aylantiradi.
“Tyangong” stansiyasi koinotda “moslashgan” mikroorganizmlar topilgan yagona joy emas. 2021-yil mart oyida Xalqaro kosmik stansiyada ilk bor mikroblar aniqlangan edi.
Olimlar yaqinda kashf qilingan 2025 KF nomli asteroid 21-may kuni tunda Yerga yaqinlashishini ma’lum qildi.
Izoh (0)