Orbital Assembly Corporation kompaniyasi sun’iy tortishish kuchiga ega birinchi orbital mehmonxona — yangi Voyager loyihasi tafsilotlarini oshkor qildi. Bu haqda “Korrespondent.net” xabar berdi.
Konsepsiyaga ko‘ra, 200 metrlik g‘ildirak aylanib, yo‘lovchilar uchun sun’iy tortishish kuchi hosil qilinadi.
Stansiya o‘ziga 400 nafargacha odam sig‘dira oladi. Ular uchun restoranlar, barlar, tomosha zallari, kinoteatr va konsert maydonlari, kutubxona, mashg‘ulot zallari va spa-salonlar xizmat ko‘rsatadi. Mehmonlar 20x12 metr o‘lchamdagi, hojatxona va dushga ega 24 ta modulda yashaydi.
Kompaniya Mars yaqinida diametri 61 metr bo‘lgan mehmonxonaning prototipini yaratadi. U yerda Yer gravitatsiyasi 40 foizni tashkil qiladi. Konstruksiyani STAR roboti quradi va Kaliforniyada sinovdan o‘tkaziladi.
Konsepsiyaga ko‘ra, mazkur mehmonxonada kosmik sayyohlar, olimlar va kosmik agentliklar koinot tajribalarini va mashg‘ulotlarini o‘tkazishi mumkin bo‘ladi.
Kompaniya stansiyani qurish ishlarini 2025-yilda boshlashni va bir necha yilda tugallashni rejalashtirmoqda.
Avvalroq Xalqaro kosmik stansiyada (XKS) AQShning raketaga qarshi mudofaa manfaatlari uchun tajriba o‘tkazilishi haqida xabar berilgan edi.
Izoh (0)