Xitoy Xalq Respublikasi uchuvchi tomonidan boshqariluvchi fazoviy parvozlar dasturi boshqarmasi “Tyangun” orbital stansiyasi yangi ekipajining tarkibini e’lon qildi, deb yozadi Meduza. Sinxua ma’lumotlariga ko‘ra, stansiyaga taykonavtlar (Xitoy kosmonavtlari shunday deb ataladi) Chen Dun, Say Szyuchje va 2012-yilda koinotga parvoz qilgan birinchi xitoylik ayol — Lyu Yan jo‘nab ketadi.
Chen Dun uchun bu koinotga ikkinchi parvoz bo‘ladi, ammo ekipaj komandiri sifatidagi birinchisi bo‘ladi. Say Szyuchje koinotga birinchi marta chiqadi.
Yangi ekipaj stansiyaga 5-iyun, yakshanba kuni Pekin vaqti bilan 11:00 ga yaqin (Toshkent vaqti bilan 8:00) yo‘l oladi.
Missiya olti oyga mo‘ljallangan. Yangi ekipaj orbital stansiya qurilishini yakunlashi, xususan, “Tyangun”ga ikkita laboratoriya modulini biriktirishi kerak bo‘ladi, ular esa keyinroq ishga tushiriladi.
Xitoyning “Tyangun” koinot stansiyasi — “Mir” stansiyasi va XKS (Xalqaro koinot stansiyasi)dan keyin fazogirlik tarixidagi uchinchi ko‘pmodulli stansiyadir.
2020-yilda Xitoy Oyga “Chan’e-5” avtomatik stansiyasini uchirgan, u 1976-yildan buyon birinchi marta Yerga Oy tuprog‘i namunalarini jo‘natgandi.
Mavzuga doir:
- Jamoaning 80 foizi ayollardan iborat arab olimlari guruhi Mars orbitasiga kosmik apparatni chiqardi
- Xitoy besh yil ichida birinchi marta orbitaga kosmonavtlarini uchirdi (video)
- Xitoy marsoxodi ilk bor Marsga qo‘ndi (video)
- Rossiya va Xitoy Oy stansiyasini qurishda hamkorlik qilishga kelishib oldi
- NASA Oyga birinchi ayol kishini yaqin 10 yil ichida yuborishni rejalashtirmoqda
Izoh (0)