Oydagi muvaffaqiyatli missiyadan so‘ng Hindiston Quyoshga o‘zining birinchi kosmik kemasini jo‘natmoqchi.
Hindiston kosmik tadqiqotlar tashkiloti (ISRO) 2-sentabr kuni Aditya-L1 avtomatik stansiyasini ishga tushirishga tayyorlanayotganini ma’lum qildi.
“Kosmik kema Yerdan taxminan 1,5 million km uzoqlikda joylashgan Quyosh-Yer tizimining Lagranj 1 nuqtasi (L1) atrofidagi galo orbitasiga chiqariladi. L1 nuqtasi atrofidagi galo orbitada joylashgan sun’iy yo‘ldosh hech qanday to‘siqlarsiz Quyoshni doimiy ravishda kuzatish imkoniyatiga ega bo‘ladi. Bu real vaqt rejimida quyosh faolligini va uning kosmik ob-havoga ta’sirini kuzatishni ta’minlaydi”, — deyiladi tashkilot bayonotida.
23-avgust kuni Hindistonning Chandrayaan-3 stansiyasining qo‘nish moduli Oy yuzasiga muvaffaqiyatli qo‘ndi. Ertasi kuni, 24-avgust kuni stansiya bortiga yetkazilgan Pragyan lunoxodi birinchi marta Oy yuzasida sayohat qildi. Hindiston Oyning janubiy qutbiga “yumshoq qo‘nish”ni amalga oshirgan birinchi davlat bo‘ldi. Shundan so‘ng 23-avgust Hindistonda “Milliy koinot” kuni deb e’lon qilindi.
Izoh (0)