Yaponiyalik astronavt Soichi Noguchi Somon yo‘li galaktikasining yaxshiroq kuzatish mumkin bo‘lishi uchun ataylab sekinlashtirilgan videosini tayyorladi, deb xabar beradi Hi-Tech.Mail.
Videodagi tasvirlar SpaceX Crew Dragon Resilience kosmik kemasining oynasidan turib olingan. Rolik NASA astronavti Maykl Xopkinsga shu qadar yoqqanki, u ijtimoiy tarmoqlardagi sahifada video bilan bo‘lishgan.
“Kosmosning ko‘rinishi bundan yaxshi bo‘lmasa kerak, deb o‘ylardim, ammo jamoadoshim (Soichi Noguchi) Resilience’dan ushbu tungi taymlapsni tasvirga oldi va men bundan hayratdaman”, — deya izohlaydi Xopkins.
I didn’t think the views could get any better, then my crewmate @Astro_Soichi took this night timelapse from Resilience and I was blown away. pic.twitter.com/2aKD9bgzJ4
— Mike Hopkins (@Astro_illini) April 12, 2021
Noguchi va Xopkins ayni vaqtda Yerdan 402 kilometr yuqoridagi orbitada joylashgan Xalqaro kosmik stansiya bortidagi o‘nta astronavt sirasiga kiradi. Ular ijtimoiy tarmoqlarda kosmosning turli suratlari bilan muntazam bo‘lishib keladi.
Mavzuga doir:
Izoh (0)