Ijtimoiy tarmoqlarda Qo‘qonda joylashgan zavodlardan biri portlagani haqida xabarlar tarqaldi. Farg‘ona viloyati Milliy gvardiya boshqarmasi holat yuzasidan izoh berdi.
Qo‘qon shahridagi Indorama Kokand Fertilizers & Chemicals korxonasi ma’muriyatining bergan ma’lumotlariga ko‘ra, suyuq ammiak moddasini vagondan maxsus idishga o‘tkazilayotgan vaqtda shlangda yorilish hosil bo‘lib, taxminan 10 foiz ammiak zavod hududiga sizib chiqqan.
Shu munosabat bilan voqea joyiga Milliy gvardiya harbiy xizmatchilari, IIB, FVV xodimlari yetib borgan. Barcha fuqarolar va zavod ishchilari voqea joyidan favqulodda boshqa joyga ko‘chirilgan.
10 yaqin inson tez tibbiy yordamga murojaat qilgan. Ayni damda zavodga olib boradigan yo‘llar yopilib, fuqarolar xavfsizligi ta’minlangan. Barcha kuch va texnik vositalar favqulodda holatni bartaraf etdi. Vaziyat huquqni muhofaza qiluvchi organlar nazoratida ekani ta’kidlandi.
Aholidan vahimaga va sarosimaga berilmaslik so‘raldi.
Bundan avval Xorazmdagi uylardan biriga asteroid tushgani rad etilgan edi.
Izoh (0)