Rossiyaning Perm viloyati chetidagi Perm porox zavodi hududida yuz bergan yong‘in oqibatida kamida ikki kishi halok bo‘ldi. Bu haqda shaharning navbatchi dispetcherlik xizmatiga tayanib, “Properm.ru” xabar berdi. Bir jabrlanuvchi kasalxonaga yotqizilgan, deb yozadi “TASS”.
Yong‘in 22-oktabr kuni kechqurun zavodning “Plastmassa” ishlab chiqarish bo‘limida sodir bo‘lgan, yong‘in maydoni 20 kvadrat metrni tashkil etgan, deyiladi dispetcherlik xizmati xabarida.
Mahalliy jamoatchilikdan guvohlarning so‘zlariga ko‘ra, yong‘indan so‘ng portlash sodir bo‘lgan. “Vayronalar ostida to‘rt kishi bor. Favqulodda vaziyatlar vazirligi va tez yordam mashinasi ishlamoqda”, — deb ma’lum qildi “Favqulodda vaziyat. Perm” jamoatchiligi.
Rossiya Favqulodda vaziyatlar vazirligi esa bu ma’lumotni tasdiqlay olmasligini bildirdi. “59.ru” nashrining xabar berishicha, mahalliy aholi ham portlash tovushlarini eshitmagan.
Perm porox zavodi boshqa narsalar qatori, “Grad” va “Smerch” yoppasiga o‘t ochuvchi reaktiv tizimlar uchun, shuningdek, “havo-havo” raketa dvigatellari uchun zaryadlar ishlab chiqaradi.
Izoh (0)