Toshkent shahar Yunusobod tumanida poyezd ustida selfi tushmoqchi bo‘lgan ikki bolani tok urdi. Bu haqda “Millar” dasturida xabar berildi.
Maʼlum qilinishicha, poyezd ustida suratga tushmoqchi bo‘lgan ikki bola og‘ir tan jarohati olgan. Bemor bola otasining aytishicha, 12 yoshli bola vagon ustiga chiqishga ham ulgurmagan. Holat Yunusobod tumanidagi temiryo‘lda sodir bo‘lgan.
Bola yerdan taxminan 1 metr balandlikka ko‘tarilganida katta kuchlanishdagi tok sabab portlash sodir bo‘lgan. Alangadan kuygan bola vagon chetidagi zinaga osilib qolgan.
Ikki bola ham zudlik bilan shifoxonaga olib borilgan. Ulardan birining ahvoli qoniqarli, ikkinchisiniki esa og‘ir bo‘lgani sababli jonlantirish bo‘limida.
Toshkentda temiryo‘lning belgilangan qismidan velosipedda kesib o‘tayotgan bolani poyezd urib ketgani haqida xabar berilgan edi.
Izoh (0)