Ижтимоий тармоқларда Қўқонда жойлашган заводлардан бири портлагани ҳақида хабарлар тарқалди. Фарғона вилояти Миллий гвардия бошқармаси ҳолат юзасидан изоҳ берди.
Қўқон шаҳридаги Indorama Kokand Fertilizers&Chemicals корхонаси маъмуриятининг берган маълумотларига кўра, суюқ аммиак моддасини вагондан махсус идишга ўтказилаётган вақтда шлангда ёрилиш ҳосил бўлиб, тахминан 10 фоиз аммиак завод ҳудудига сизиб чиққан.
Шу муносабат билан воқеа жойига Миллий гвардия ҳарбий хизматчилари, ИИБ, ФВВ ходимлари етиб борган. Барча фуқаролар ва завод ишчилари воқеа жойидан фавқулодда бошқа жойга кўчирилган.
10 яқин инсон тез тиббий ёрдамга мурожаат қилган. Айни дамда заводга олиб борадиган йўллар ёпилиб, фуқаролар хавфсизлиги таъминланган. Барча куч ва техник воситалар фавқулодда ҳолатни бартараф этди. Вазият ҳуқуқни муҳофаза қилувчи органлар назоратида экани таъкидланди.
Аҳолидан ваҳимага ва саросимага берилмаслик сўралди.
Бундан аввал Хоразмдаги уйлардан бирига астероид тушгани рад этилган эди.
Изоҳ (0)